39:87  87  PRAELECTIONES  fratri  suo.  Hie  quaeritur,  an  perpetua  servitus  Deo  sic  displicuerit,  ue  debeat  censere  inter  res  licitas.  Facilis  solutio  est,  Abraham  et  alios  patres  servis  usos  fuisse  pro  communi  et  recepto  more:  et  tamen  non  fuisse  in  illis  hoc  vitiosum,  ergo  ante  legem  scriptam  nulla  ratio  vetuit  quin  si  quis  servos  haberet  vel  ancillas  in  totam  vitam  illis  dominaretur:  deinde  lex,  cuius  fit  nunc  mentio,  non  lata  fuit  promiscue  et  generaliter,  sed  fuit  quasi  singulare  privilegium  in  favorem  electi  populi.  Hinc  ergo  perperam  inferret  quispiam,  non  esse  licitum  dominari  in  servos  et  ancillas:  nam  potius  sic  ratiocinari  convenit,  quum  Deus  patribus  ante  legem  permiserit  habere  servos  et  ancillas,  rem  esse  liberam:  deinde  quum  Iudaeis  quoque  permiserit  Deus  sub  lege  dominari  in  exteros,  et  habere  addictos  perpetuo  qui  servi  erant.  Sequitur  etiam  hoc  non  posse  improbari.  Et  clarior  etiam  ratio  adduci  potest,  nam  ex  quo  gentes  ascitae  sunt  in  spem  salutis,  nihil  mutatum  fuit  hac  in  parte.  Apostoli  enim  non  cogunt  dominos  ad  manumissionem  servorum  suorum.  Sed  tantum  hortantur  ut  mansuetudinem  erga  ipsos  colant,  et  humaniter  ipsos  tractent  tanquam  conservos  suos.  Ergo  si  servitus  esset  res  illicita,  Apostoli  nunquam  ipsam  tulissent,  sed  fortiter  vociferati  essent  adversus  profanum  morem  si  fuisset  talis.  Nunc  dum  praecipiunt  dominis  ut  se  humanos  tantum  exhibeant,  neque  opprimant  violenter  et  contumeliose  servos  suos,  sequitur  permitti  quod  non  negatur,  nempe  ut  retineant  servos  suos.  Videmus  etiam  ut  Paulus  Onesimum  remittat  Philemoni:  Philemon  non  modo  erat  ex  numero  piorum,  sed  erat  pastor  ecclesiae.  Debuit  igitur  aliis  esse  exemplo:  aufugerat  ab  ipso  servus:  Paulus  remittit,  et  commendat  domino,  et  pro  ipso  deprecatur,  ut  dominus  furtum  illi  condonet.  Videmus  ergo  per  se  rem  non  esse  illicitam.  Quod  apud  nos  abolitae  sunt  servitutes,  hoc  est,  misera  illa  conditio,  ut  quis  non  sit  sui  iuris,  sed  ut  dominus  in  ipsum  habeat  vitae  et  necis  potestatem:  quod  ergo  cessavit  ille  usus,  non  debet  vituperari,  potuit  initio  aliqua  superstitio  fuisse,  et  certe  ita  coniicio,  principium  mutandi  illius  moris  fuisse  natum  a  superstitione:  sed  tamen  minime  optandum  est  ut  sint  mancipia  inter  nos,  sicuti  olim  fuerunt  inter  omnes  gentes,  et  sunt  etiam  hodie  apud  barbaros.  Hispani  norunt  quid  sit  servitus  quia  scilicet  vicini  sunt  Afris  et  Turcis:  deinde  quos  accipiunt  in  bello  vendunt,  et  sicuti  malum  ex  malo  nascitur,  ita  etiam  habent  sibi  miseros  homines  mancipatos  in  totam  vitam.  Sed  quoniam  nulla  necessitas  apud  nos  cogit,  quemadmodum  dixi,  ratio  nostra  melior  est,  nempe  ut  sint  mercenarii,  nulli  autem  servi.  Nam  qui  hodie  vocantur  servi,  sunt  mercenarii  duntaxat.  Quum  profani  homines  commendant  humanitatem  et  clementiam  erga  servos  dicunt,  ne  tractentur  ut  servi,