35:87  87  SERMON  CXXV  envoye  message  de  sa  bonte,  que  ses  promesses  nous  soyent  declarees,  c'est  autant  comme  s'il  nous  tendoit  la  main  pour  nous  retirer  du  sepulchre.  Que  voulons-nous  plus?  Ainsi  donc  notons  bien  ce  qui  est  ici  dit,  Que  l'homme  cueillira  vertu  nouvelle,  quand  il  aura  tesmoignage  de  la  bonte  de  Dieu.  Et  comment?  Oar  (comme  desia  nous  avons  dit)  nostre  Seigneur  a  donne  ceste  propriete  a  son  Evangile,  qu'en  oyant  les  promesses  qui  y  sont  contenues,  nous  nous  esiouyssions  en  lui,  estans  asseurez  qu'il  nous  y  convie.  Il  est  vrai  que  ceci  est  difficile  aux  hommes:  car  si  nous  avons  a  batailler  contre  toutes  les  tentations  de  nostre  chair,  le  plus  grand  combat  est  contre  l'infidelite:  et  sur  tout  quand  nous  sentons  quelque  chastiment  de  Dieu,  alors  nous  sommes  comme  en  tenebres,  tellement  que  les  tristesses  nous  esblouyssent  les  yeux.  Et  combien  que  les  promesses  de  Dieu  nous  soyent  mises  au  devant:  si  est-ce  que  nous  ne  les  pouvons  appliquer  a  nostre  usage:  il  nous  semble  qu'il  y  a  tousiours  quelque  entredeux,  et  que  ce  n'est  point  a  nous  que  cela  appartient.  Voila  ou  nous  en  sommes,  et  chacun  le  doit  sentir  par  son  experience  propre.  Et  de  fait  Satan  se  vient  la  entrelacer.  Il  est  vrai  que  nous  ne  nierons  pas  les  promesses  de  Dieu:  mais  nous  serons  la  comme  en  suspens,  Et  i'oi  ceste  promesse  qui  est  si  belle,  elle  doit  ressusciter  un  monde.  Mais  quoi?  Ie  demeure  tousiours  languissant,  pource  que  ie  n'enten  pas  que  cela  doive  estre  approprie  a  moi.  Ainsi  donc  d'autant  mieux  nous  faut-il  noter  ce  qui  est  ici  dit,  assavoir,  que  si  Dieu  nous  envoye  un  homme  qui  nous  certifie  de  sa  bonte,  c'est  autant  comme  s'il  nous  tendoit  la  main,  et  qu'il  nous  dist,  Me  voici:  iusques  a  maintenant  ie  vous  ai  tormente,  toutes  fois  si  c'a  este  en  grande  rigueur,  ie  ne  l'ai  pas  fait  comme  un  iuge  qui  voulust  punir  vos  mesfaits  selon  que  vous  l'avez  merite:  mais  i'ai  este  un  medecin.  Il  est  vrai  que  vous  ne  l'avez  pas  senti  du  premier  coup,  il  a  fallu  que  i'aye  use  de  bruslures,  de  cauteres,  que  i'aye  sonde  les  os,  que  i'aye  use  de  remedes  bien  violents:  mais  tant  y  a  que  i'ai  cependant  procure  vostre  salut:  cognoissez  donc  en  cela  ma  bonte.  Voila  comme  toutes  fois  et  quantes  que  Dieu  nous  donnera  le  livre  de  l'Escriture  saincte  en  main,  et  que  nous  trouverons  la  quelque  promesse  de  sa  misericorde,  et  qu'il  nous  envoyera  un  homme  lequel  nous  soit  tesmoin  qu'il  nous  veut  pardonner  nos  fautes:  il  nous  faut  resoudre,  Quoi  qu'il  en  soit,  mon  Dieu  aura  pitie  de  moi:  et  il  le  monstre  de  fait  quand  il  m'envoye  ce  tesmoignage  ici:  et  sur  tout  quand  nous  avons  ce  bien  que  l'Evangile  nous  est  presche.  Car  nous  savons  quel  est  l'usage  de  la  predication,  c'est  que  nous  soyons  desliez  en