31:87  87  PSALMUS  VIII.  necis  artifices  arte  perire  sua.  Duplex  autem  est  huius  doctrinae  usus,  nam  quibuscunque  nocendi  artibus  polleant  hostes  nostri,  sperandus  est  hic  exitus  quem  Deus  promitit,  ut  se  ipsos  proprio  gladio  confodiant,  neque  enim  hoc  fortuitum  est,  sed  malum  quod  innoxiis  intendunt,  Deus  arcana  manus  suae  directione  in  eorum  capita  retorquet.  Rursum  si  quando  nos  carnis  libido  ad  laedendos  proximos,  vel  ad  pravum  aliquod  facinus  nos  instigat,  succurrat  haec  Dei  ultio,  qui  foveam  aliis  parant,  in  eam  deiici.  Ita  fiet  ut  quantum  sibi  quisque,  suaeque  saluti  consulere  volet,  ab  omni  se  cohibeat  iniuria.  18.  Celebrabo  Iehovam  secundum  iustitiam  eis  et  canam  nomini  Iehovae  excelsi.  Quia  in  hunc  finem  suos  Deus  liberat  ut  sacrificia  laudis  ei  vicissim  rependant,  David  hic  pro  accepta  liberatione  se  gratum  fore  promittit:  et  simul  confirmat  quod  elapsus  esset  a  morte,  hoc  minime  esse  dubium  vel  obscurum  Dei  opus.  Neque  enim  vere  et  ex  animo  salutis  suae  laudem  Deo  ascriberet,  nisi  serio  persuasus  esset,  aliter  se  quam  humanitus  fuisse  servatum.  Quare  non  modo  debitam  suo  liberatori  gratitudinem  promittit,  sed  summatim  affirmat  quod  recensuit  toto  Psalmo,  se  vitam  Dei  gratiae  debere,  qui  non  passus  esset  sibi  a  Saule  eripi.  Iustitia  Dei  hoc  loco  pro  fide  accipitur  quam  servis  suis  praestat  in  tuenda  eorum  vita.  Neque  enim  iustitiam  suam  Deus  intus  absconditam  tenet,  sed  eam  profert  in  usum  nostrum,  dum  nos  contra  omnem  iniustam  vim  defendit,  ab  oppressione  liberat,  et  quamvis  a  scelestis  hominibus  oppugnemur  servat  tamen  incolumes.  PSALMUS  TUI.  ARG.  David  paternam  Dei  erga  humanum  genus  beneficentiam  reputans,  simplici  gratiarum  actione  non  contentus,  in  admirationem  eius  rapitur.  1.  Praefecto  super  Haggithith  canticum  Davidis.  2.  Iehova  Domine  noster,  quam  admirabile  est  nomen  tuum  in  tota  terra,  ad  ponendum  decus  tuum  supra  coelos.  An  nTO  musicum  instrumentum  significet,  an  modulatione  speciem,  an  vero  celebris  ac  noti  carminis  initium,  ego  incertum  relinquo.  Nam  qui  Psalmum  ita  vocari  putant,  quod  in  urbe  Gath  fuerit  compositus,  coactam  expositionem  nimis  procul  accersunt.  Ex  tribus  vero  primis  sententiis  quam  eligas,  non  magni  interest.  Quid  vero  con-