27:87  87  SERMON  LXXV.  88  appetit,  pour  maintenir  leur  dignite  sacerdotale  :  et  nous  en  sommes  bien.  Quelle  ingratitude?  Voici  Dieu  qui  fait  un  miracle  qui  devroit  ravir  tout  le  monde  en  estonnement  iusques  aux  creatures  brutales:  et  cependant  encores  ce  peuple  qui  se  dit  estre  eleu,  et  sanctifie,  ne  laisse  pas  de  se  despiter  ainsi,  et  de  batailler  par  certaine  malice  contre  Dieu,  et  contre  sa  main  qui  estoit  toute  patente.  Il  faut  que  Dieu  ratifie  encores  pour  la  seconde  fois  la  sacrificature  d'Aaron,  et  commande  qu'on  apporte  de  chacune  lignee  un  baston,  et  qu'on  mesle  tout  ensemble,  que  les  noms  soyent  la  escrits,  qu'on  ne  puisse  discerner  sinon  comme  on  verra  les  noms.  On  met  la  en  la  presence  de  Dieu  au  sanctuaire  les  verges  :  quand  on  tire,  les  autres  demeurent  seiches,  celle  d'Aaron  avec  son  nom  florit:  et  voila  Dieu  qui  monstre  qu'il  la  choisi  sa  lignee  pour  la  sacrifiture.  Ceci  est  maintenant  ramenteu  au  peuple  par  Moyse,  afin  qu'en  premier  lieu  ils  cognoissent  que  s^ils  se  iouent  plus  a  Dieu  pour  rien  changer,  n'attenter  rien  qui  soit  contre  ce  qu'il  a  commande  par  sa  parolle,  qu'ils  sentiront  aussi  bien  sa  vengeance,  comme  ils  l'ont  veue  a  l'oeil  sur  les  personnes  de  Core,  Dathan,  et  Abiron,  et  sur  leurs  complices.  Et  puis  il  leur  remonstre  leur  malice,  qu'encores  ils  ont  despitte  Dieu,  apres  avoir  senti  son  iugement:  afin  qu'ils  n'y  retournent  plus,  et  que  s'ils  abusent  de  la  patience  de  Dieu,  quand  il  les  a  supportez  pour  ce  coup-la,  qu'il  faudra  a  la  fin  qu'il  use  de  plus  grande  rigueur  contre  eux.  Voila  donc  l'intention  de  Moyse.  Or  par  ceci  nous  sommes  admonnestez  qu'il  nous  doit  bien  souvenir  quand  il  y  aura  eu  quelque  faute  et  offense  commise  entre  nous,  et  que  Dieu  y  aura  mis  la  main,  que  cela  doit  estre  imprime  en  nos  coeurs,  voire  afin  de  garder  ses  commandemensy  comme  Moyse  adiouste.  Car  ce  n'est  point  assez  que  nous  sachions  ceste  histoire:  mais  il  nous  la  faut  appliquer  quant  et  quant  a  nostre  instruction.  Que  si  Dieu  nous  a  chastiez  doucement,  que  nous  cognoissions  sa  bonte  paternelle  envers  nous.  Au  reste,  que  nous  ne  le  provoquions  plus,  et  qu'il  nous  suffise  d'avoir  cogneu  que  l'offense  luy  est  insupportable,  afin  de  nous  en  garder.  Voila  (di-ie)  dequoy  nous  sommes  advertis  en  ce  passage.  Et  cependant  aussi  que  nous  ayons  ceste  humilite-la  imprimee  en  nous,  de  tousiours  gemir,  a  cause  de  la  faute  que  nous  aurons  commise  :  et  si  nostre  Dieu  nous  a  fait  la  grace  d'avoir  exerce  son  ire  sur  quelques  uns,  que  nous  gardions  bien  d'estre  enveloppez  en  leur  condamnation,  et  de  ne  nous  faire  leurs  complices  :  mais  separonsnous  de  loin,  que  nous  n'ayons  rien  de  commun  avec  eux,  si  nous  ne  voulons  provoquer  Tire  de  nostre  Dieu.  Voila  en  somme  ce  qui  est  monstre  par  Moise.  Or  ceci  est  escrit  pour  nous,  afin  qu'un  chacun