23:87  87  COMMENTARIUS  IN  GENESIN.  88  mum  arrogat.  Tales  externis  quidem  operibus  strenue  ad  Deum  promerendum  incumbunt  :  sed  cor  retinentes  fraude  implicitum  nibil  quam  larvas  illi  opponunt:  ut  in  laborioso  eorum  et  anxio  cultu  nibil  sit  sincerum,  sed  merus  duntaxat  fucus.  Postquam  nihil  se  proficere  vident,  produnt  occultum  animi  sui  virus:  neque  enim  tantum  obstrepunt  Deo,  sed  erumpunt  in  furorem  manifestum:  adeoque,  si  in  ipsis  esset,  libenter  eum  detraherent  e  solio  coelesti.  Superbia  haec  omnibus  hypocritis  est  ingenita,  ut  Deum  obsequii  specie  sibi  obnoxium  habere  velint:  quia  effugere  non  possunt  eius  imperium,  blanditiis  eum  mulcere  tentant,  sed  quasi  puerum  :  interea  quum  magni  faciant  fictitias  suas  nugas,  Deum  sibi  valde  iniurium  esse  putant,  nisi  applaudat.  Ubi  vero  pronunciat  frivolas  et  nihili  sibi  esse,  fremere  primum  et  tandem  furere  incipiunt.  Sola  quidem  illis  obstat  impietas  quominus  Deum  sibi  concilient:  sed  vellent  pro  sua  libidine  cum  Deo  pacisci.  Ubi  hoc  negatur,  furiosa  indignatione  ardent,  quam  adversus  Deum  conceptam  in  eius  filios  evomunt.  Ita  quum  Deo  iratus  esset  Cain,  rabies  eius  in  fratrem  innoxium  effusa  est.  Quod  dicit  Moses,  vultum  eius  concidisse  (nam  pluralis  numerus  apud  Hebraeos  in  hoc  nomine  pro  singulari  capitur)  significat,  non  subito  tantum  iracundiae  fervore  fuisse  corruptum,  sed  aluisse  ex  lenta  tristitia  malignum  affectum,  ut  livore  contabesceret.  6  .  Dixit  Dominus  ad  Cain.  Nunc  Deus  aggreditur  ipsum  Cain,  citatque  ad  suum  tribunal,  ut  intelligat  miser  nihil  se  proficere  tumultuando.  Yult  suis  sacrificiis  haberi  honorem:  quia  non  impetrat,  furiose  irascitur.  Interim  non  cogitat  se  propria  culpa  non  esse  voti  compotem,  nam  si  malum  intestinum  agnosceret,  iam  desineret  expostulare  cum  Deo,  et  in  fratrem  innoxium  furere.  Quomodo  loquutus  sit  Deus,  non  exprimit  Moses:  sive  oblata  fuerit  visio,  sive  oraculum  e  coelo  audierit,  sive  arcana  inspiratione  fuerit  admonitus:  sensit  divino  se  iudicio  constringi.  Trahere  hoc  ad  personam  Adae,  quod  Dei  propheta  et  interpres  fuerit  in  arguendo  filio,  coactum  est,  atque  etiam  frigidum.  Audio  quid  obtendant  boni  viri,  nec  minori  pietate  quam  doctrina  praediti,  qui  talibus  commentis  ludunt:  illis  in  animo  est  ornare  externum  verbi  ministerium,  ansamque  praecidere  Satanae  praestigiis,  quas  scilicet  sub  revelationum  colore  insinuat.  Equidem  nihil  esso  utilius  fateor  quam  sub  ordine  praedicationis  scripturae  que  obsequio  contineri  pias  mentes,  ne  Dei  verbum  io  erraticis  speculationibus  quaerant.  Sed  animadvertere  licet,  oraculis  proditum  fuisse  Dei  verbum  ab  initio,  ut  postea  per  manus  hominum  administratum  plus  reverentiae  haberet.  Fateor  etiam  Adae  iniunctam  fuisse  docendi  provinciam:  neque  dubito  quin  suos