21:87  87  VIE  DE  CALVIN  Ainsi  on  se  contenta  de  sa  promesse,  laquelle  toutesfois  il  faussa  incontinent  apres,  s'enfuyant  secretement,  et  se  retirant  vers  ce  fantastique  Matthieu  Gribald,  dont  il  a  este  parle  ci  devant.  Quant  a  Georges  Blandrata,  il  estoit  souvent  alle  en  prive*)  parler  a  Calvin  touchant  les  doutes  qu'il  faisoit  en  la  susdite  matiere  de  la  Trinite:  lequel  a  chaque  fois  luy  respondoit  amiablement,  l'enseignant  en  sorte  que  ledit  Blandrata  se  disoit  satisfait  et  bien  resolu.  Mais  neantmoins  quelque  temps  apres  il  recommencoit  tousiours  a  faire  ses  repliques,  comme  ceux  qui  ne  savent  acquiescer  a  la  parole  de  Dieu  sont  ainsi  transportez  par  leurs  fantasies,  estans  pleins  d'orgueil  et  obstination.  Ce  que  voyant  Calvin  luy  dit  a  la  derniere  fois,  ayant  appelle  quelques  tesmoins,  qu'il  valoit  mieux  mettre  par  articles  en  escrit  le  sommaire  de  leur  conference  et  ce  dont  ils  demeuroyent  d'accord,  afin  que  ce  ne  fust  point  tousiours  a  refaire.  Ainsi  fut  fait,  et  ledit  Blandrata  signa  lesdits  articles  couchez  par  escrit.  Mais  un  peu  apres,  advint  qu'estant  a  la  lecon  de  Calvin,  il  vit  entrer  un  huissier  (qu'on  appelle  ici  Guet)  qui  atten  doit  un  des  Syndiques  qui  lors  oyoit  la  lecon:  la  dessus  il  imagina  (comme  une  mauvaise  conscience  tremble  au  bruit  d'une  fueille)  qu'on  le  venoit  prendre:  et  de  ce  pas  s'en  fuit  de  la  ville.  Ainsi  le  meschant  s'en  fuit  sans  qu'on  le  poursuivit.  En  fin  les  trois  susdits  [f  4]  complices  se  sont  trouvez  en  Poloigne,  la  ou  ils  ont  fait  et  font  encores  auiourd'huy  infinis  troubles.  Si  ont-ils  iusques  au  lieu  ou  ils  sont,  senti  et  apperceu  la  force  du  fidele  serviteur  de  Dieu  dont  nous  parlons,  par  les  escrits  duquel,  comme  il  sera  dit  ci  apres  en  son  lieu,  les  Eglises  de  Poloigne  ont  este  tellement  fortifiees,  que  les  fideles  en  ont  este  grandement  afiermis,  et  les  ennemis  de  verite  tellement  affoiblis,  qu'avec  l'aide  de  Dieu  leur  ruine  en  est  prochaine.2)  Audit  an  1558,  sur  les  vendanges,  ce  bon  personnage  Alleman,  nomme  Melchior  Volmar,  lequel  Calvin  avoit  cognu  en  sa  jeunesse  a  Bourges,  vint  a  Geneve  tout  exprez  pour  le  voir,  ayant  bien  desire  auparavant  de  faire  ledit  voyage,  tant  pour  l'amitie  qu'il  portoit  audit  Calvin,  que  pour  contempler  de  ses  yeux  la  grande  benediction  de  Dieu  sur  les  labeurs  d'iceluy,  assavoir  l'Eglise  de  Geneve.  Environ3)  le  mois  de  Septembre,  il  fut  assailli  d'une  longue  et  fascheuse  fievre  quarte,  durant  laquelle  force  luy  fut  a  son  grand  regret  de  s'abstenir  de  lire  et  de  prescher.  Mais  il  ne  laissoit  de  travailler  en  la  maison,  quelque  remonstrance  qu'on  1)  particulier  F.  2)  Premiere  redaction  p  .  7.  3)  Ici  on  retrouve  des  traces  de  la  premiere  redaction  p  .  43  suiv.