10.1:87  OKDONNANCES.  le  Grec,  et  lise  quelque  livre  de  Physique  l'espace  d'une  demie  heure.  Apres  disner  (en  hyver,  depuis  trois  iusques  a  quatre:  en  este  depuis  quatre  iusqu'a    qu'il  expose  doctement  la  Rhetorique  d'Aristote,  les  Oraisons  de  Ciceron  les  plus  renommees,  ou  les  livres  de  Oratore.  Que  les  deux  Professeurs  de  Theologie  exposent  les  livres  de  la  Saincte  escripture,  le  Lundi,  Mardi,  et  Mecredi,  depuis  deux  heures  apres  disner  iusques  a  trois,  chascun  en  sa  septmaine.  DES  ESCHOLIERS  PUBLICS.  Que  les  escholiers  publics,  comme  il  a  este  dict  cidevant  viennent  au  Recteur  pour  faire  escrire  leurs  noms,  et  signer  de  leur  propre  main  la  confession  de  leur  foy.  Qu'ils  se  portent  modestement,  et  en  la  crainte  de  Dieu.  Que  ceux  qui  se  vouldront  exercer  es  Sainctes  escriptures  escrivent  leurs  noms  en  un  catalogue:  et  le  Samedi  depuis  deux  heures  iusqu'a  trois  qu'ils  traictent  en  lieu  public  quelque  passage  de  l'Escripture,  en  la  presence  de  quelcun  des  Ministres  qui  conduira  le  tout.  Puis  qu'ils  escoutent  la  censure  de  la  bouche  du  Ministre  [page  16]  qui  y  aura  preside.  En  ceste  censure  qu'il  soit  permis  a  chascun  de  ceulx  qui  seront  la  presens,  de  dire  son  advis  modestement,  et  en  la  crainte  du  Seigneur.  Que  eulxmesmes  par  ordre  dressent  et  escrivent  par  chasque  mois  certaines  positions,  qui  ne  soyent  ne  curieuses,  ne  sophistiques,  nicontehantes  faulse  doctrine:  et  les  communiquent  de  bonne  heure  au  Professeur  de  Theologie.  Puis  qu'ils  les  soustiennent  publiquement  contre  ceulx  qui  argumenteront.  Qu'il  soit  la  permis  a  chascun  de  parler.  Que  toute  sophisterie,  curiosite  impudente  et  audace  de  corrompre  la  parolle  de  Dieu,  semblablement  toute  mauvaise  contention  et  opiniastrete  en  soyent  bannies.  Que  les  poincts  de  la  doctrine  soyent  traictez  sainctement  et  religieusement  d'une  part  et  d'autre  des  disputans.  Que  le  Professeur  de  Theologie,  qui  presidera  en  la  dispute,  conduise  le  tout  selon  sa  prudence,  et  donne  par  la  parolle  de  Dieu  la  resolution  des  difficultez  qui  seront  mises  en  avant.  *)  SERMENT  POUR  LE  RECTEUR.  Ie  promets  et  iure  de  m'acquiter  loyaument  de  mon  devoir  en  la  charge  en  laquelle  ie  suis  appele  1)  Ici  suit  la  Confession  de  foi  exigee  des  etudiants  et  que  nous  avons  donnee  plus  haut  page  721  du  Tome  IX.