58:86  point  couchez  en  vain,  II  a  beu,  il  a  mange,  il  s'est  leve,  il  s'en  est  alle.  Et  auiourd'hui  combien  en  voions-nous  de  tels  ou  de  semblables?  Car  ceux  qui  ont  leurs  souhaits  selon  le  monde,  nous  estimeron  t  povres  malotrus,  et  se  mocqueront  de  nostre  simplicite:  Et  bien  bien:  que  ceux-la  ayent  leur  Evangile,  et  que  cependant  ils  meurent  de  faim,  et  qu'ils  soient  des  trupelus,  et  qu'ils  n'ayent  dequoy  fourrer  entre  leurs  dens,  ou  bien  quils  trainent  les  ailes,  et  qu'ils  soient  si  miserables  que  rien  plus:  qu'ils  iouissent  de  leur  Evangile  tant  qu'ils  voudront  :  mais  cependant  nous  aurons  la  vogue  en  ce  monde,  cependant  nous  aurons  toutes  nos  aises,  nous  aurons  table  bien  garnie.  Et  sur  tout  ces  contempteurs  de  Dieu,  qui  sont  auiourd'hui  eslevez  en  estats  et  dignitez,  on  sait  comme  ils  se  moquent  de  nous  et  tirent  la  langue  si  on  leur  parle  de  l'evangile,  et  leur  semble  que  nous  soions  comme  povres  gens  insensez,  qui  ne  discernions  point  entre  le  bien  et  le  mal.  Et  pourquoy?  Car  ils  boivent  et  mangent,  ils  se  levent,  ils  s'en  vont:  voire,  car  le  monde  les  retient,  ou  bien  Satan  les  a  tellement  preoccupez,  que  le  ciel  ne  leur  est  plus  rien,  et  ont  mis  du  tout  en  oubli  la  vie  eternelle.  Nous  voions  cela:  et  ce  n'est  pas  pour  Tensuivre:  car  nostre  Seigneur  nous  met  devant  les  yeux,  que  c'est  une  horrible  condamnation,  quand  nous  tombons  en  une  telle  stupidite,  que  de  preferer  ceste  vie,  qui  n'est  rien  qu'un  om-6  brage,  a  l'eternite,  a  laquelle  Dieu  nous  apelle.  Car  prenons  le  cas,  que  nous  vivions  cent  ans  apres  nostre  mort:  et  encore,  qu'est-ce?  Si  nous  faisons  comparaison  (comme  dit  saint  Paul)  de  ce  monde  ce  n'est  qu'une  minute,  et  une  figure  qui  passe,  ce  n'est  qu'un  moment  en  somme.  Or  aucontraire,  quel  pois  doit  avoir  envers  nous  ceste  immortalite,  laquelle  nous  est  presentee  en  nostre  Seigneur  Iesus  Christ,  et  de  laquelle  il  nous  a  si  bien  certifiez?  Et  encore,  quant  est  de  ceste  vie,  qui  est  ce  qui  nous  a  promis  un  lendemain?  Car  ceux  qui  sont  bien  souls,  creveront  la,  et  il  ne  faudra  qu'une  minute  pour  les  emporter:  et  l'intemperant  mesme  en  estrangle  beaucoup.  Et  nous  voions  que  les  hommes,  d'autant  plus  qu'ils  auront  dequoy  se  bienfaire,  se  tueront  eux-mesmes.  Et  cependant  nous  ne  pouvons  pas  nous  retenir,  que  nous  ne  cerchions  (comme  povres  bestes)  ce  qui  n'a  nulle  certitude:  il  ne  faut  que  tourner  la  main,  et  tout  perira.  Nous  cercherons  neantmoins  cela,  et  y  sommes  attentifs,  voire  du  tout  adonnez,  d'autant  que  nous  ne  discernerons  point  entre  ce  qui  est  permanent,  et  ce  qui  passe:  car  ce  qui  est  perpetuel,  si  nous  le  mesprisons,  ou  est-ce  aller?  Il  est  certain  que  les  plus  meschans  mesmes,  diront  que  c'est  une  rage:  mais  apres  l'avoir  dit,  ils  monstrent  qu'ils  sont  esgarez,  et  qu'ils  ne  s'en  soucient  gueres.  Et  c'est  un  vice  tant  commun,  qu'il  faut  mesme  que  les  plus