51:86  affamez.  Tousiours  les  supposts  de  Satan  trouveront  a  gourmander:  comme  nous  voyons  qu'en  la  Papaute  ces  ventres  oisifs,  ou  qui  ne  font  qu'abbayer  leurs  messes  et  matinee,  ils  seront  soulez  iusques  au  bout:  encores  que  tout  le  monde  eust  faim  et  soif,  iamais  ces  gens  la  n'auront  disette:  et  mesmes  ils  auront  tousiours  bonne  provision  cependant  que  tout  le  monde  criera  famine.  Or  tout  au  rebours  quand  ceux  qui  servent  a  Dieu  auront,  monstre  tout  zele  et  solicitude  qu'ils  ont  pour  le  salut  des  ames,  on  les  laissera  la  :  encores  semble-ii  qu'ils  soyent  bien  tenus  a  ceux  qui  les  oyent.  Et  bien  nous  l'avons  ouy,  qu'il  s'en  aille,  il  a  fait  son  office.  Et  auiourd'huy  combien  y  en  a-il  qui  font  courvee  quand  ils  viendront  ouir  un  sermon  :  ils  voudroyent  bien  que  iamais  on  ne  leur  parlast  de  Dieu,  pour  ce  que  ce  leur  est  autant  de  melancholie.  Par  cela  donc  nous  voyons  comme  le  diable  a  tasche  par  ce  moyen  d'abolir  toute  doctrine,  et  faire  qu'il  n'y  eust  que  des  idoles,  et  qu'il  ne  leur  chalust  nullement  comme  on  se  doit  gouverner.  Ce  n'est  point  donc  sans  cause  que  sainct  Paul  a  voulu  remedier  a  un  tel  vice,  disant  que  celuy  qui  enseigne  doit  bien  pour  le  moins  estre  nourri  et  substente,  et  celuy  qui  recoit  la  doctrine  de  salut,  pour  le  moins  est  oblige  de  donner  de  son  bien  et  de  la  substance  a  celuy  qui  luy  administre  la  pasture  spirituelle.  Et  notamment  sainct  Paul  parle  ici  de  la  parole  de  Dieu  :  car  encores  les  sciences  humaines  ont  tousiours  este  prisees  iusques-la,  que  ceux  qui  en  ont  fait  profession,  ont  este  nourris,  la  parole  de  Dieu  qui  surmonte  le  reste,  sera  mise  comme  au  bas.  Ainsi  sainct  Paul  accuse  la  malice  des  hommes,  en  disant,  Regardez  que  vaut  de  porter  la  parole  de  Dieu:  regardez  le  fruict  qui  vous  en  revient.  Car  nous  sommes  tous  miserables  et  maudits,  sinon  d'autant  que  Dieu  nous  rappelle  a  soy  par  le  moyen  de  sa  parole:  car  c'est  la  vertu  qu'il  espand  sur  nous,  a  fin  de  nous  recueillir  en  son  royaume.  Puis  qu'ainsi  est  donc,  comment  serez  vous  chiches  des  biens  caduques  de  ce  monde,  que  pour  le  moins  ceux  qui  travaillent  ainsi  pour  vous  et  pour  vostre  edification,  ne  soyent  substentez,  a  fin  qu'ils  se  puissent  du  tout  addonner  la,  et  qu'ils  ne  soyent  point  distraits  par  solicitudes  qui  les  empeschent  ou  retardent  de  faire  leur  office?  Le  mot  que  met  ici  sainct  Paul  signifie  enseigner,  dont  vient  le  Catechisme.  Celuy  donc  qui  catechize,  dit-il:  c'est  a  dire,  celuy  qui  est  fidele  docteur  pour  edifier  le  peuple  en  la  parole  de  Dieu,  que  celuy  la  soit  substente  par  ceux  qui  sont  catechizez,  c'est  6*  86