50:86  Quamquam  certe  quodammodo  eos  damnat:  quod  se  negat  facere.  Terum  ut  inter  fel  et  acetum  multum  est  discriminis  :  ita  inter  eam  damnationem,  qua  odiose  hominem  vexamus,  ut  eum  sugillemua  infamia:  et  qua  in  viam  reducere  studemus  peccatorem,  ut  cum  salute  honorem  quoque  salvum  recuperet.  In  cordibus  nostris  sitis.  Hoc  est,  ego  vos  in  pectore  meo  gesto  inclusos,  ad  commoriendum  et  convivendum:  hoc  est,  ut  nulla  mutatio  amorem  nostrum  divellat:  quia  paratus  sum  non  tantum  vivere  vobiscum,  sed  etiam  mortis  esse  comes  si  opus  sit:  ac  quidvis  potius  subire  quam  vobis  amicitiam  renuntiem.  En  qualiter  affectos  esse  omnes  pastores  conveniat.  4.  Multa  mihi  fiducia.  Iam  quasi  sit  consequutus  quam  in  Corinthiis  optaverat  cordis  apertionem,  omissis  querimoniis,  cor  suum  alacriter  effundit.  Ac  si  diceret:  Quid  opus  est  in  re  perfecta  plus  laboris  consumere?  Iam  enim  habere  mihi  videor  quod  petebam.  Quae  enim  mihi  retulit  de  vobis  Titus,  non  modo  sufficiunt  ad  pacandum  meum  animum,  sed  materiam  etiam  praebent  secure  de  vobis  gloriandi:  quin  etiam  moerorem,  quem  mihi  attulerant  multae  magnaeque  afflictiones,  absterserunt.  Gradatim  procedit  amplificando.  Plus  enim  est  gloriari  quam  securo  et  quieto  esse  animo:  liberari  vero  a  moerore  ex  multis  afflictionibus  concepto,  utroque  maius.  Chrysostomus  fiduciam  paulo  aliter  interpretatur,  hoc  modo:  Quod  liberius  vobiscum  ago,  ideo  est,  quod  fretus  vestrae  erga  me  benevolentiae  fiducia  tantum  mihi  apud  vos  licere  arbitror.  Sed  attuli  quod  mihi  probabilius  visum  est,  Titi  scilicet  relatu  deletam  fuisse  sinistram  opinionem,  quae  eius  animum  prius  torquebat.  5.  Etenim  quum  venissemus  in  Macedoniam.  Magnitudo  tristitiae  argumento  est  quantum  efficaciae  habuerit  consolatio.  Ego,  inquit,  undique  premebar,  tam  intestinis  quam  externis  afflictionibus.  Non  tamen  obstitit  hoc  totum  quominus  gaudium,  quod  mihi  contulistis,  praevaluerit  adeoque  exundaverit.  Quum  dicit,  n  u  l  l  a  m  carnis  s  u  a  e  hab  u  i  s  s  e  r  e  l  a  x  a  t  i  o  n  e  m  ,  perinde  valet  ac  si  diceret:  Secundum  hominem  nihil  habui  laxamenti.  Excipit  enim  spirituales  consolationes,  quibus  interim  sustinebatur.  Non  igitur  corpore  modo,  sed  animo  etiam  afflictabatur:  ita  ut  humanitus  nihil  sentiret,  praeter  ingentem  molestiarum  acerbitatem.  Foris  pugnae.  Per  pugnas  intelligit  externos  insultus,  quibus  eum  inquietabant  adversarii:  per  timores  vero  anxietudines,  quas  perpetiebatur  ex  morbis  intestinis  ecclesiae.  Neque  enim  tam  propriis  quam  publicis  malis  angebatur.  Vult  ergo  dicere,  non  professos  modo  hostes  sibi  fuisse  infestos:  sed  nihilominus  se  perpessum  fuisse  tantum  molestiarum  ex  malis  domesticis.  Videbat  enim