5:86  sisset,  At  ego,  inquit,  taceo.  Non  enim  est  facile  in  eum  scribere,  qui  potest  proscribere.  Alia  eiusdem  generis  vide  apud  Macrobium  et  Senecam  in  III.  de  Ira.  Ipse  Augustus  epistola  quadam  ad  Tiberium  :  Noli  1)  nimium  indignari  quenquam  esse  qui  de  me  male  loquatur.  Satis  est  enim  si  hoc  habemus,  ne  quis  nobis  malefacere  possit.  Quoscunque  ob  adulterium  f  amplae  suae]  Notum  est  Iulias  filiam  et  neptem  domum  Augusti  omnibus  probris  contaminasse,  ob  idque  relegatas.  Vide  Tranquillum  et  Senecam  lib.  VI.  de  Beneficiis,  et  Plinium  lib.  XXI.  De  iis  igitur  nunc  loquitur  Seneca,  qui  consuetudinem  haberent  stupri  cum  filia  et  nepte,  aut  qui  conscii  essent  adulteriorum:  quibuscum  mitius  actum  esse  dicit,  quod  de  damnatis  non  [pag.  77]  est  sumptum  ultimum  supplicium,  sed  exsilio  tantum  mulctati  sunt:  quin  etiam  acceptis  diplomatibus  dimissi  sunt.  Nec  tamen  verum  est  adeo  clementer  tractatos  ab  Augusto,  quam  hic  affirmat  Seneca.  Siquidem  nonnulli  ultimo  supplicio  affecti:  inter  quos  Iulius  Antonius.  Vide  Tacit.  lib.  IV.  Quod  hic  Erasmus  divinat  legendum  filiae,  nullius  est  momenti.  CAPUT  XI.  Haec  Augustus  senex,  aut  iam  in  senectutem  annis  vergentibus.  In  adolescentia  caluit,  arsit  ira,  multa  fecit,  ad  quae  invitus  oculos  retorquebat.  Comparare  nemo  mansuetudini  tuae  audebit  divum  Augustum,  etiam  si  in  certamen  iuvenilium  armorum  deduxerit  senectutem  plusquam  maturam.  Fuerit  moderatus  et  clemens.  Nempe  post  Actiacum  mare  romano  cruore  infectum.  Nempe  post  fractas  in  Sicilia  classes,  et  suas,  et  alienas.  Nempe  post  Perusinas  aras,  et  proscriptiones.  Ego  vero  clementiam  non  voco  lassam  crudelitatem.  Haec  est,  Caesar,  clementia  vera,  quam  tu  praestas,  quae  non  saevitiae  poenitentia  coepit,  nullam  habere  maculam,  nunquam  civilem  sanguinem  fudisse.  Haec  est  in  maxima  potestate  verissima  animi  temperantia,  et  humani  generis  comprehensibilis  amor,  non  cupiditate  aliqua,  non  temeritate  incendi  Non  priorum  principum  exemplis  corruptis,  quantum  in  cives  suos  liceat,  experiendo  tentare:  sed  hebetare  aciem  imperii  sui.  Praestitisti,  Caesar,  civitatem  incruentam,  et  hoc,  quod  magno  animo  gloriatus  es,  nullam  te  toto  orbe  stillam  cruoris  humani  misisse:  quod  eo  maius  est  mirabiliusque,  quod  nulli  unquam  citius  gladius  commissus  est.  Clementia  ergo  non  tantum  honestiores,  sed  tutiores  praestat.  Ornamentum  imperiorum  est  simul,  et  certissima  lux.  Quid  enim  est  quum  reges  consenuerint,  liberisque  ac  nepotibus  tradiderint  regna.  1)  Ed.  Amst:  Non.