44:86  iubet  Deus  colligere  vel  lignum,  vel  lapides,  vel  caementum,  sed  exstruere  templum  coeleste,  in  quo  vere  colatur.  Ubi  ergo  ita  torpemus  omnes,  certe  si  populus  ille  tunc  duriter  castigatus  fuit,  nostra  ignavia  magis  detestabilis  est.  Nunc  videmus  prophetam  non  modo  aetatis  suae  hominibus  loquutum  esse,  sed  destinatum  fuisse  admirabili  Dei  consilio,  ut  personet  eius  doctrina  hodie  in  auribus  nostris,  et  castiget  nostrum  torporem  et  frigus  plenum  ingratitudine:  quia  scilicet  differtur  aedificium  spiritualis  templi,  ubi  quisque  sibi  addictus  est,  et  respicit  quod  sibi  privatim  est  utile.  Oras  prosequemur  reliqua.  Quum  interrogat  propheta  an  advenerit  tempus,  quo  Iudaei  habitent  in  aedibus  splendidis  et  bene  ornatis,  nondum  autem  advenerit  tempus  aedificandi  templi:  ostendit,  nimis  crasse  ipsos  ludere  cum  Deo.  Nam  eadem  prorsus  ratio  erat  templi  et  urbis.  Quomodo  enim  reducti  fuerant  in  patriam,  nisi  quia  praestiterat  Deus  quod  per  os  Ieremiae  testatus  fuerat?  Ergo  reditus  ipsorum  pendebat  a  redemptione  illa  promissa:  unde  colligere  promptum  erat  iam  venisse  tempus  aedificandi  templi,  quia  alterum  ab  altero  non  poterat  neque  debebat  separari,  ut  dictum  fuit.  Exprobrat  igitur  illis  suam  ingratitudinem,  quod  frui  velint  Dei  beneficio,  et  interea  spernant  eius  memoriam.  Emphaticae  etiam  sunt  loquutiones,  quum  dicit,  An  tempus  vobis  ut  vos  habitetis?  nam  subest  comparatio  inter  Deum,  cuius  templum  pro  nihilo  ducebant,  et  inter  ipsos^  qui  volebant  non  modo  commode,  sed  etiam  sumptuose  habitare.  Quaerit  igitur  propheta  an  hoc  sit  consentaneum,  ut  homines  mortales,  qui  nihil  differunt  a  vernaculis,  possideant  domos  magnificas:  Deus  autem  templum  suum  non  habeat.  Et  eodem  etiam  pertinet  quod  dicit  domos  tabulas  as.  Nam  COIBD  vocant  Hebraei  quod  dicit  lambrissees.  Ergo  quum  illis  non  sufficeret  commoditas,  nisi  etiam  accederet  splendor  et  lautitiae,  hoc  erat  nimis  indignum,  interea  fraudare  Deum  suo  templo,  ubi  colendus  erat.  Iam  sequitur:  5.  M  nunc  sic  dicit  Iehova  exercituum,  Adiicite  cor  vestrum  ad  vias  vestras.  6.  Seminastis  multum,  et  intulistis  parum,  comedere  et  non  ad  satietatem,  bibere  et  non  ad  ebrietatem,  vestire  et  non  ad  calorem  cuique,  et  qui  colligit  mercedem,  colligit  mercedem  in  sacculum  perforatum.  Hic  agit  propheta  cum  praefracto  illo  populo  sicuti  ferebat  ipsorum  ingenium.  Nam  qui  dociles  sunt  et  morigeri,  satis  habent  uno  verbo,  et  statim  admoniti  resipiscunt:  qui  autem  pervicaciter  addicti  sunt  suis  peccatis,  durius  sunt  urgendi,  quemadmodum  hic  facit  propheta.  Proponit  enim  Iudaeis