39:86  tum  est  admonitum  fuisse  regem  Zedechiam,  ut  servi  manumitterentur  ex  praescripto  legis.  Id  enim  scribitur  Exodi  21.  Voluit  Deus  exstare  aliquod  discrimen  inter  populum  quem  adoptaverat,  et  reliquas  gentes.  Nam  Deus  elegerat  genus  Abrahae  quasi  in  peculium:  aliae  autem  gentes  eius  respectu  erant  extraneae.  Ergo  voluit  hoc  ius  speciale  statuere  inter  Israelitas,  ne  perpetua  esset  servitus,  nisi  quis  forte  ultro  se  addiceret  tota  vita,  quemadmodum  legitur  15.  Deuteronomii.  Nam  si  quis  ignobili  animo  se  privaret  beneficio  legis,  dominus  perforabat  eius  aurem  subucula,  et  stigmate  illo  notatus  non  poterat  amplius  fieri  liber,  nisi  forte  incideret  in  annum  iubilaeum.  Ex  his  verbis  prophetae  colligitur  contemptum  fuisse  mandatum  illud  legis:  nam  quum  transactus  esset  septimus  annus,  non  manumittebantur  servi.  Rex  ergo  Zedechias  admonitus  populum  vocavit,  et  ex  omnium  consensu  factum  est  ut  libertas  promulgaretur,  quemadmodum  Deus  praeceperat.  Sed  id  factum  est  mala  fide  :  statim  enim  retracti  fuerunt  servi,  et  ita  accessit  ad  crudelitatem  etiam  perfidia,  quoniam  autem  oppresserant  inique  fratres  suos,  sed  periurium  cumulavit  scelus.  Nam  ex  quo  in  templo  sancte  iurarunt  se  bona  fide  manumittere  servos,  et  hac  in  re  parere  imperio  Dei,  non  servarunt  fidem.  Videmus  ergo  non  tantum  iniuriam  fecisse  fratribus  suis  quum  eos  opprimerent  perpetua  servitute,  sed  sceleste  abusos  fuisse  sacro  nomine  Dei,  quum  scilicet  solenne  sacramentum  ita  violarunt.  Nunc  dicit  Ieremias  se  missum  fuisse  ex  quo  populus  impio  illo  periurio  rursus  coepit  opprimere  servos  et  ancillas.  Dicit  ergo  sibi  mandatum  fuisse  sermonem  a  Deo  post  foedus  illud  percussum.  Foedus  vocat  pactum  illud  solenne,  postquam  revocata  fuit  in  usum  lex  Dei,  ut  non  esset  perpetua  servitus  inter  Israelitas.  Et  se  ipsum  exprimit,  percussum  fuisse  foedus  cum  toto  populo,  qui  erat  in  Ierusalem  ad  promulgandam  libertatem  ipsis.  Quidam  urb  referunt  ad  servos  et  ancillas:  sed  possumus  exponere  inter  ipsos  promulgatam  fuisse  libertatem,  non  tantum  in  praesentia,  sed  etiam  ut  postero  tempore  lex  etiam  vigeret.  Sequitur  qualis  fuerit  illa  libertas  nempe  ut  quisque  dimitteret  servum  suum,  et  quisque  dimitteret  ancillam  suam  hebraeum  vel  hebraeam  liberos  ut  ne  servirent.  Quidam  "Dy  accipiunt  in  neutro  genere,  alii  autem  transitive  accipiunt,  quemadmodum  gallice  dicimus  Qu'ils  ne  leur  fussent  plus  serfs,  ou  qu'ils  ne  se  servissent  plus  d'eux.  Quod  ad  summam  spectat  parum  refert,  si  accipimus  verbum  "Dy  pro  servire,  ita  legemus,  Ne  servirent,  vel  ne  essent  servi  ipsorum:  si  autem  accipimus  "D]/  pro  dominari,  sic  legendum  erit,  ut  ne  vir,  non  quemadmodum  prius  in  fine  versus,  ne  vir,  hoc  est,  ne  quisquam  dominaretur  in  ipsis  nempe  in  Iudaeo  fratre  suo,  vel  ne  inter  ipsos  vir  serviret,  nempe  Iudaeo  6*