35:86  soit  pour  nous  faire  non  seulement  respirer,  et  nous  mettre  en  repos  :  mais  pour  nous  restaurer  en  sorte  que  nous  ayons  cueilli  vigueur  nouvelle,  et  que  nous  soyons  comme  en  fleur  d'aage  (selon  qu'il  est  ici  dit  consequemment)  au  lieu  que  nous  estions  du  tout  abbatus  au  paravant.  Voila  donc  ce  que  nous  avons  a.  retenir.  En  somme  il  est  dit,  Que  la  chair  de  l'homme  s'esvanouira,  qu'on  ne  dira  plus  qu'il  est  vivant.  Or  si  ceci  est,  qu'il  nous  faille  estre  comme  aneantis,  et  que  Dieu  nous  deffigure:  regardons  de  nous  armer  de  patience,  et  que  nous  n'entrions  point  en  dispute,  encores  que  nous  venions  a  ceste  extremitela.  Et  pourquoy?  Car  il  est  dit,  que  Dieu  traitte  ainsi  ses  esleus.  Il  n'est  point  question  de  ceux  qu'il  veut  perdre  et  ruiner:  mais  de  ceux  qu'il  a  ordonnez  a  salut  et  qui  sont  en  sa  main,  et  lesquels  il  conduit  :  il  veut  toutes  fois  rendre  ceux-la  difformes,  tellement  qu'on  les  iugera  estre  du  tout  perdus.  Puis  qu'ainsi  est,  prions-le  que  si  nous  sommes  semblables  a  trespassez,  il  tienne  toutes  fois  nostre  vie  cachee  en  sa  main.  Or  il  en  est  bon  besoin:  car  combien  que  tous  ne  soyent  pas  si  durement  affligez,  comme  il  en  est  ici  parle  par  Eliu,  et  que  Dieu  use  d'une  telle  rigueur  la  ou  il  lui  plaist:  tant  y  a  qu'en  general  si  faut-ii  que  nostre  vie  soit  une  espece  et  figure  de  mort,  comme  S.  Paul  en  parle  au  troisieme  des  Colossiens  (v.  3)  :  et  comme  nous  voyons  que  les  arbres  en  hyver  n'ont  ne  fleurs  ne  fueilles,  ne  vigueur  aucune:  mais  que  la  vie  en  est  retiree  au  dedans  :  aussi  faut-il  que  nostre  vie  soit  cachee  en  la  main  de  Dieu.  Et  quand  nous  lui  aurons  fait  cest  honneur  de  la  lui  remettre,  il  nous  fera  sentir  en  la  fin  qu'il  a  este  bon  gardien  et  fidele.  Et  pourtant  s'il  lui  plaist  de  nous  rendre  tellement  confus  pour  un  peu  de  temps,  que  nous  n'appercevions  nul  signe  de  sa  grace,  qu'il  semble  que  nous  soyons  du  tout  eslongnez  de  lui:  et  bien,  que  nous  attendions  encores,  et  que  nous  gemissions  iusques  a  ce  qu'il  nous  rende  ceste  vigueur  de  laquelle  il  est  ici  parle.  Or  apres  qu'Eliu  a  ainsi  dispute  des  afflictions  que  Dieu  envoye  a  ses  fideles,  et  a  monstre  qu'il  faut  qu'ils  soyent  comme  ruinez  devant  que  Dieu  les  restaure  :  il  adiouste,  Que  quand  Dieu  leur  veut  faire  sentir  sa  bonte  et  sa  grace,  il  use  de  sa  parole  envers  eux.  Voici  donc  le  moyen  par  lequel  Dieu  vivifie  ceux  qui  sont  comme  eslongnez:  c'est  qu'il  leur  envoye  un  messager  qui  a  grand1  peine  se  trouvera  entre  mille:  et  celui-la  apporte  message  de  droiture:  il  apporte  le  message,  que  Dieu  iustifie  le  pecheur,  et  qu'il  le  recoit  et  recueille  en  sa  grace.  Voila  donc  comme  nous  sommes  restaurez,  apres  que  nous  estions  comme  trespassez.  Or  voici  un  beau  passage  et  excellent,  pour  nous  monstrer,  que  si  Dieu  nous