27:86  ou  mauvais  contre  Aaron,  et  les  siens,  a  cause  de  la  sacrificature.  Moyse  est  le  conducteur  du  peuple,  c'est  celuy  qui  le  met  en  liberte:  il  semble  bien  que  sa  lignee  devoit  estre  preferee  a  toutes  autres.  Ii  a  des  enfans.  Or  il  ne  prent  pas  la  sacrificature  pour  soy,  elle  est  a  son  frere.  Il  est  vray  qu'il  n'en  fait  point  l'election:  c'est  Dieu.  Mais  quoy  qu'il  en  soit,  afin  que  la  Loy  ne  fust  point  suspecte,  et  ce  qui  en  despendoit:  Dieu  ne  veut  point  honorer  Moyse  iusques  la,  de  le  constituer  sacrificateur:  il  faut  qu'il  soit  la  avec  tout  le  peuple  adorant  Dieu  de  loin  avec  toute  humilite,  quand  Aaron  son  frere  va  porter  les  noms  du  peuple  d'Israel  au  sanctuaire,  et  qu'il  fait  les  sacrifices  a  Dieu  au  nom  de  tout  le  peuple.  Es  ses  enfans  que  sont-ils?  Ils  demeurent  en  l'ordre  inferieur,  qu'il  n'y  a  point  de  dignite  pour  eux:  mais  elle  demeure  a  Aaron  son  frere.  Dieu  donc  avoit  declaire  que  les  choses  ne  se  faisoyent  point  par  ambition,  ni  par  convoitise  humaine,  et  que  c'estoit  luy  qui  avoit  prononce  quel  ordre  on  devoit  tenir  en  son  Eglise,  et  en  son  temple.  Cela  se  fait:  cependant  ces  meschans  se  viennent  ainsi  revolter,  et  chargent  faussement  Aaron,  qu'il  s'estoit  attribue  la  dignite  sacerdotale.  Or  il  faut  que  Dieu  desploye  la  sa  main.  Et  de  faict,  Moyse  leur  remonstre:  Comment?  Qu'est-ce  qu'est  Aaron?  Comme  s'il  disoit  :  S'est-il  ingere  de  soy-mesmes?  et  maintenant  encores  qu'il  soit  esleve  en  haut  estat  et  honorable:  neantmoins  il  ne  fait  que  vous  servir,  quand  vous  aurez  bien  tout  considere.  Or  ces  malins  ne  se  contentent  point  de  cela.  Nous  sommes  sanctifiez  (disent-ils)  nous  sommes  le  peuple  de  Dieu:  et  qu'estes-vous  d'avantage?  Il  faut  que  Dieu  y  mette  la  main  pour  y  remedier:  et  selon  qu'il  est  commande  a  Moyse,  il  dit:  Or  ca,  qu'un  chacun  apporte  son  encensoir  demain:  et  vous  qui  estes  les  chefs  de  la  sedition  (car  ils  estoyent  alors  deux  cens  cinquante)  et  on  verra  desquels  le  service  sera  plus  agreable  a  Dieu,  quand  vous  ferez  ainsi  vostre  offerte.  Et  alors  il  declaira  au  peuple:  Advisez,  que  si  ces  gens  ici  meurent  d'une  mort  commune,  et  que  Dieu  n'y  mette  point  sa  main  visible,  et  qu'il  n'y  ait  une  punition  horrible,  et  espouvantable  sur  leurs  testes,  ie  suis  content  qu'on  ne  m'estime  point  estre  envoye  de  Dieu:  mais  si  vous  appercevez  que  Dieu  maintienne  ce  que  i'ay  prononce  de  ma  bouche,  sachez  que  n'ay  rien  fait  de  ma  teste:  mais  que  i'ay  suyvi  fidelement  ce  qui  m'estoit  ordonne  du  ciel.  Sur  cela  voici  la  terre  qui  s'ouvre,  et  engloutit  ces  mutins  qui  avoyent  suscite  la  sedition  entre  le  peuple.  Et  quand  la  chose  est  faite,  encores  le  peuple  ne  laisse  point  de  murmurer:  Voici  Moyse  et  Aaron  qui  viennent  ici  destruire  le  peuple  de  Dieu:  il  faut  que  ceux  que  Dieu  avoit  eleus,  et  choisis  perissent  a  leur  6*