26:86  ait  la  vogue:  que  toutes  inventions  humaines  cessent,  et  qu'on  cognoisse  quel  est  le  Dieu  vivant.  Voila  donc  en  quelle  sorte  il  nous  y  faut  proceder  :  c'est  que  quand  nous  aurons  cogneu  le  Dieu  qu'il  nous  faut  adorer,  que  nous  venions  a  ceste  perfection,  qu'il  est  seul,  et  que  tout  ce  qui  sera  exalte  a  l'opposite  de  luy,  il  faut  qu'il  soit  mis  a  neant.  Car  il  est  impossible  que  nous  adorions  Dieu  comme  il  faut,  sinon  que  nous  mettions  sous  le  pied  tout  ce  que  les  hommes  auront  forge  et  imagine  en  leur  cerveau.  Et  ainsi  apprenons  de  tellement  l'exalter,  qu'il  n'y  ait  rien  qui  empesche  ni  obscurcisse  sa  preeminence.  Et  d'autant  que  de  nous-mesmes  nous  ne  savons  pas  comme  nous  devons  glorifier  Dieu,  pour  luy  rendre  l'honneur  qu'il  merite  :  que  nous  ayons  sa  parolle  pour  guide,  et  que  nous  soyons  esclairez  par  sa  verite,  qui  est  en  l'Escriture  saincte:  afin  que  nous  sachions  qu'il  n'y  ha  que  Dieu  seul  auquel  il  nous  faut  recourir:  et  que  c'est  a  luy  seul,  auquel  il  nous  faut  rendre  toute  louange  et  action  de  graces.  LE  QUATRIEME  SERMON  SUR  LE  CHAP.  III.  V.  26-29.  DU  VENDREDI  10^  DE  MAY  1555.  Nous  dismes  hier,  que  Moyse  n'estoit  point  esmeu  d'un  appetit  charnel  d'entrer  en  la  terre  promise:  mais  d'un  desir  sainct,  a  ce  que  le  peuple  fust  mieux  conferme  en  la  grace  de  Dieu.  Qu'ainsi  soit,  on  le  peut  recueillir  de  ce  mot,  ou  il  demande  notamment  de  voir  la  bonne  montagne,  et  le  Liban.  Car  il  est  bien  certain,  que  Ierusalem  et  la  region  d'alentour  n'a  pas  este  le  meilleur  pays,  ni  le  plus  beau,  ni  le  plus  fertile  qui  fust  en  Iudee:  il  y  avoit  des  regions  beaucoup  plus  grasses,  et  plus  plaisantes  aussi:  et  neantmoins  Moyse  prefere  le  Liban,  et  la  bonne  montagne  a  tout  le  reste.  Et  n'y  ha  nulle  doute,  qu'il  ne  parle  de  la  montagne  de  Moria.  Nous  voyons  donc  qu'il  s'est  da  tout  arreste  a  ce  qui  estoit  spirituel:  d'autant  qu'il  luy  estoit  revele  que  le  temple  devoit  estre  la  basti,  c'est  le  lieu  que  Dieu  avoit  choisi  pour  y  estre  adore  et  invoque.  Voila  pourquoy  il  y  ha  toute  son  affection.  Et  ainsi  notons  bien  que  Moyse  n'a  pas  desire  d'entrer  en  ceste  terre,  pour  manger  son  saoul,  pour  estre  en  delices  et  voluptez  :  mais  seulement  pour  s'inciter  tant  plus  a  cognoistre  la  grace  de  Dieu,  laquelle  il  avoit  desia  goustee  en  esprit:  et  pour  aider  aussi  bien  tout  le  peuple  par  son  exemple.  Si  est-ce  qu'il  est  refuse  :  voire,  non  pas  que  Dieu  le  reiette  du  tout  :  mais  il  le  veut  chastier  en  le  privant  d'un  bien  temporel.  Et  la  dessus,  nous  sommes  encores  plus  conformez  en  ce  qui  fut  6*