21:86  permis  a  ceux  qui  en  feroyent  quelque  difficulte,  d'alleguer  leurs  doutes,  et  que  on  leur  en  bailleroit  k  resolution.  Cela  fut  fait  le  18.  de  May,  en  la  presence  du  Ministre,  des  Anciens,  et  de  toute  l'Eglise  Italienne,  ensemble  dudit  Calvin  et  autres  Ministres  de  ceste  Eglise,  et  mesmes  de  certains  des  Seigneurs  deputez  a  cela  par  l'advis  du  Conseil.  La  se  leverent  aucuns,  qui  gazouillerent  tout  ce  qu'ils  peurent  au  contraire  l'espace  de  trois  heures,  et  nommement  ce  fantastique  ci  dessus  nomme,  Jean  Paule  Alciat.  Mais  Calvin,  par  la  grace  de  Dieu  leur  respondit  si  bien,  et  tellement  esclaircit  ces  matieres,  que  tous  ceux  de  l'Eglise  Italienne  signerent  ladite  Confession,  excepte  six  desquels  estoit  le  susdit  Valentin  Gentil:  qui  toutesfois  estans  puis  apres  appellez  a  part,  l'approuverent.  Or  quelque  peu  apres  neantmoins  ledit  Valentin  ne  cessoit  d'espandre  son  venin  secretement,  iettant  a  la  traverse  des  propos  de  ses  erreurs,  pour  attirer  d'autres  a  sa  ligue,  et  seduire  les  simples.  Ce  qu'estant  sceu,  ii  fut  appele  par  Messieurs,  et  estant  conveincu  de  periure,  et  n'ayant  aucune  eschappatoire,  il  allega  que  ce  qu'il  en  avoit  encore  de  nouveau  tenu  propos,  c'estoit  pource  que  sa  conscience  Ten  pressoit.  Tant  y  a  qu'il  fut  ouy  derechef  en  toutes  ses  allegations,  present  un  bon  nombre  de  gens  apparens  et  de  scavoir:  et  fut  tellement  presse  du  fidele  serviteur  de  Dieu  par  raisons  de  l'Escriture,  qu'il  ne  sceut  que  dire,  sinon  qu'il  n'entendoit  pas  l'art  de  disputer.  Depuis  ii  bailla  par  escrit  a  Messieurs  le  contenu  de  son  opinion,  et  derechef  en  fit  un  autre  discours  par  escrit,  addresse  a  trois  des  Ministres  de  l'Eglise  de  ceste  ville,  ou  aussi  il  s'armoit  de  quelques  passages  de  certains  Docteurs  anciens.  Mais  Calvin  y  respondit  aussi  par  escrit  le  lendemain  fort  peremptoirement,  monstrant  que  ledit  Valentin  abusoit  bien  impudemment  du  dire  des  Anciens.  Finalement  craignant  [f  3]  l'exemple  de  Servet,  il  fit  bonne  mine,  et  protesta  d'acquiescer  a  la  verite  et  recognoistre  ses  erreurs,  escrivant  bien  au  long  le  tesmoignage  de  sa  repentance.  A  cause  de  laquelle  (combien  qu'aucuns  iugeassent  qu'elle  estoit  feinte)  il  fut  condamne  seulement  a  demander  pardon  la  teste  descouverte,  tout  en  chemise,  tenant  une  torche  en  sa  main,  et  brusler  ses  escrits  tout  presentement,  et  estre  ainsi  mene  par  les  quarrefours  de  la  ville  a  son  de  trompe.  Ce  qu'il  fit.  Il  luy  fut  aussi  faite  defense  de  sortir  de  la  ville  sans  conge,  et  commandement  de  tenir  prison  iusqu'a  ce  qu'il  eust  baille  caution:  afin  que  il  n'eust  le  moyen  de  semer  ses  heresies  ailleurs,  et  qu'on  peust  mieux  avec  le  temps  cognoistre  sa  repentance.  Mais,  le  5.  de  Septembre  suivant,  il  presenta  supplication  a  Messieurs,  afin  d'estre  quitte  de  bailler  ladite  caution,  allegant  qu'il  n'avoit  le  moyen  estant  estrangier.