11:86  velle  habere  ostendit,  deinde  totius  imperii  comitia  Ratisponae,  ubi  et  de  religione,  quod  agitatum  fuerit  in  priori  conventu,  definiatur  et  de  statu  imperii  deliberetur.  Est  autem  urbs  illa  pessimo  loco  sita,  quod  principes  omnes  qui  pacis  sunt  amantiorcs  propter  itineris  longitudinem  ac  difficultatem  eo  non  accedent,  et  nostri  minus  tutum  sibi  accessum  credent,  quod  est  in  medio  Bavariae  umbilico,  cuius  regionis  principes  infensos  habent,  et  Caesari  in  foedere  illo  nefario  coniunctos.  Tubingae  exustae  sunt  sexaginta  septem  domus.  Ignem  ab  incendiariis  subiectum  dicunt,  sed  nescitur  qui  sunt  illi,  aut  a  quo  subornati.  6)  239.  MARCURTIIJS  CALVINO.  Farello  se  iungit  enixe  rogans  ut  Calvinus  Genevensium  ardenti  desiderio  motus  novam  vocationem  eamque  vere  divinam  non  respuat  (Ex  autographo  Bibi.  Gothanae.  Cod.  405,  fol.  113.)  Et  pietate  et  eruditione  ornatissimo  viro  D.  Ioanni  Calvino  fratri  suo  in  Christo  carissimo.  Argentorati.  S.  Consideres  oro,  Domine  mi  Calvine,  consideres,  inquam,  et  summa  diligentia  animadvertas  divinam  illam  providentiam  qua  coelestis  pater  miris  modis  suos  agit:  et  ne  latius  vagari  incipiam,  recordare,  obsecro,  quanta  ferocitate  aut,  si  mavis,  improbitate  cives  Genevenses  e  finibus  suis  te  et  reliquos  pios  et  doctos  fratres  aliquando  eiecerint,  nunc  autem  ardenti  desiderio  te  ipsum  optant  et  maximis  votis  requirunt.  Mira  certe  rerum  vicissitudo,  quam  non  humanam,  sed  prorsus  coelestem  et  divinam  censeo.  Proinde  frater  noster  Guilielmus  nullis  parcens  laboribus  ad  te  se  recipit  ut  ex  eo  plene  intelligas  rem  ut  est.  Ipsum  igitur  audias  necesse  est,  assensum  praebendo  suis  sanctis  monitis  et  consiliis.  Divina  nempe  est  haec  vocatio.  Cave  igitur  ne  detrectes:  alioqui  scito,  te  non  hominibus  sed  spiritui  sancto  reluctatum  fuisse.  Videas,  obtestor,  et  animo  sereno  revolvas,  quantum  fructus,  quantum  aedificationis  per  omnes  Gallias  inde  orietur.  Ecclesia,  ut  scis,  Genevensis  magni  momenti  est,  quam  si  contingeret  ob  tuum  dissensum  6)  Scripta  est  non  mense  Octobre,  ut  volunt  Turretinus  et  SimleruSj  sed  vergente  Septembre,  quod  facile  efficies  ex  computatione  dierum  in  ipso  textu  satis  accurate  indicatorum*  6*