10.1:86  Eo  die  vacatio  a  studiis  toti  scholae  conceditor.  Si  quis  scholasticus  visus  fuerit  suo  praeceptori  ita  profecisse  ut  ante  annuum  spatium  ad  altiorem  gradum  promoveri  possit,  de  eo  praeceptor  ad  ludimagistrum  referto.  Is  vero  omnium  eiusmodi  scholasticorum  nomina  in  libello  annotato.  Calendis  autem  Octobris  Rector  cum  professoribus  in  gymnasium  convenito,  et  de  re  tota  decernito.  Quod  si  etiam  aliis  anni  temporibus  aliquis  extra  ordinem  promovendus  videbitur,  cum  Rectoris  legitima  cognitione,  extra  ordinem  promovetor.  DE  PUBLICIS  PROFESSORIBUS.  Tres  publici  professores,  hebraeus  videlicet,  graecus,  et  qui  artes  docet,  ita  uti  de  aliis  dictum  est  eliguntor  et  confirmantor.  Diebus  Lunae,  Martis  et  Iovis  binis  horis:  diebus  Mercurii  et  Veneris,  una  promeridiana  docento.  Die  Sabbati  a  lectionibus  feriantor.  Dies  Dominicus  sacris  [pag.  21]  concionibus  audiendis  datur.  Diebus  Veneris  congregationi,  quam  vocant,  et  ministrorum  concilio,  quoad  eius  fieri  poterit,  intersunt  o.  Hebraeus  professor  mane  statim  a  concione  librum  aliquem  Veteris  Testamenti,  adiunctis  Hebraeorum  commentariis,  interpretator.  A  prandio  vero,  hyeme,  ab  hora  duodecima  ad  primam,  aestate,  a  prima  ad  secundam,  grammaticen  hebraeam  profitetor.  Graecus  professor  mane  hebraeo  succedens,  philosophicum  aliquid  quod  ad  mores  pertineat,  ex  Aristotele,  vel  Platone,  vel  Plutarcho,  vel  christiano  aliquo  philosopho  interpretator.  A  prandio  vero,  hyeme  quidem  a  prima  ad  secundam,  aestate  a  tertia  ad  quartam,  aliquem  ex  purioribus  poetis  graecis  vel  oratoribus  vel  historicis  vicissim  enarrato.  Artium  professor  mane  professori  graeco  succe-  6*