46:855  855  SERMONS  856  et  tout  ce  que  desia  nous  avons  declare,  et  cependant  d'avoir  aussi  ceux  qui  bataillent  manifestement  contre  Dieu,  et  ne  cherchent  que  la  confusion  de  son  Eglise.  C'est  beaucoup  (di-ie)  que  nous  ayons  a  combatre  contre  tels  ennemis  :  mais  Dieu  encores  veut  esprouver  nostre  patience  en  cest  endroit,  c'est  qu'au  milieu  de  nous  il  y  ait  tousiours  des  ennemis  domestiques,  lesquels  soyent  pleins  de  trahison  et  de  desloyaute.  Et  combien  que  ceste  peste-la  soit  detestable,  si  est-ce  que  iamais  l'Eglise  n'en  sera  purgee.  Il  est  vray  qu'il  nous  en  faut  garder,  et  faut  que  chacun  tasche,  entant  qu'en  luy  sera,  de  racler  une  telle  ordure  et  infection:  mais  quand  nous  aurons  tout  fait  encores  Dieu  voudra-il  qu'il  y  ait  tousiours  des  Iudas.  Car  puis  qu'il  a  este  figure  en  David,  et  qu'il  a  este  accompli  en  nostre  Seigneur  Iesus  Christ,  il  faut  que  nous  soyons  conformez  a  luy  (comme  sainct  Paul  en  parle)  car  il  porte  comme  les  armoiries  de  la  maison  de  Dieu,  avant  la  primogeniture  entre  tous  fideles.  Il  faut  donc  que  nous  ayons  ceste  condition  commune  avec  luy.  Mais  nous  pouvons  yci  veoir  que  c'est  d'une  conscience  effrayee,  quand  Dieu  y  a  mis  l'esprit  de  tourbillon,  de  phrenesie  ou  de  stupidite:  comme  il  en  parle  souvent  par  ses  Prophetes.  Voyci  donc  Iudas  qui  nous  monstre  le  payement  de  ceux  qui  bataillent  contre  Dieu  a  leur  escient,  qu'il  faut  qu'ils  soyent  si  esperdus  qu'il  n'y  ait  plus  ni  sens  ni  raison:  et  que  cependant  toutesfois  ils  taschent  de  tout  cacher  par  hypocrisie  iusques  a  ce  que  Dieu  les  attraine  par  force,  et  qu'il  les  amene  iusques  a  leur  derniere  condamnation.  De  prime  face  il  semble  bien  que  ces  deux  choses  soyent  repugnantes,  qu'un  homme  viene  heurter  comme  un  taureau  sauvage  contre  Dieu,  qu'il  ait  tellement  oublie  qu'il  ne  pourra  rien  en  crachant  contre  le  soleil,  que  toutesfois  il  veuille  despiter  nature,  et  que  neantmoins  il  tasche  de  se  couvrir  par  subterfuges,  et  qu'il  pense  rien  gaigner  par  son  hypocrisie.  On  dira  que  ces  deux-choses-la  sont  incompatibles:  mais  on  les  voit  en  Iudas.  Car  il  avoit  experimente  la  vertu  celeste  de  nostre  Seigneur  Iesus  Christ,  il  avoit  veu  tant  de  miracles,  et  en  avoit  fait  de  son  coste,  voire  au  nom  de  nostre  Seigneur  Iesus  Christ.  Ayant  donc  cognu  que  le  Fils  de  Dieu  ha  toute  domination,  et  sur  la  vie  et  sur  la  mort,  il  le  trahit,  et  dit  qu'on  le  tiene  sagement:  car  autrement  ii  seroit  incontinent  eschappe.  Voyla  donc  Iudas  qui  est  du  tout  desprouveu  de  sens  et  de  raison,  et  est  comme  phrenetique:  et  tant  y  a  que  par  un  baiser,  et  par  ces  douces  parolles,  disant,  Helas  mon  Maistre,  il  ne  laisse  pas  encores  d'avoir  ses  subterfuges,  pensant  qu'il  sera  quitte  par  tel  moyen.  Mais  voyla  comme  Satan  esblouit  ceux  qu'il  tient  en  ses  laqs.