46:854  Iuifs  ont  en  cela  tout  accoustume  de  ce  baiser,  comme  on  le  voit  par  l'Escriture  saincte.  Au  reste  on  trouveroit  estrange  que  Iudas,  estant  parti  de  la  compagnie  de  Iesus  Christ  quelque  temps  auparavant,  c'est  ascavoir  ceste  nuit-la  mesmes,  retourne  et  le  baise  comme  s'il  venoit  d'un  voyage  lointain.  Mais  il  use  de  ceste  ceremonie,  pour  ce  qu'il  vient  la  comme  un  homme  effraye.  Et  voyla  pourquoy  il  est  dit  en  l'autre  Evangeliste  qu'il  dit,  Rabbi,  Rabbi,  bien  te  soit.  Il  fait  donc  semblant  d'estre  bien  marri  que  son  maistre  est  ainsi  assailli  :  et  quand  il  voit  une  telle  compagnie  qui  vient  pour  le  surprendre,  il  approche  et  baise  Iesus  Christ,  comme  pour  dire,  O  mon  maistre,  on  te  cherche,  voyci  tes  ennemis  qui  t'environnent,  iis  cherchent  de  t'exterminer,  tu  seras  retranche  du  milieu  des  hommes,  s'ils  mettent  une  fois  la  main  sur  toy.  Voyla  donc  un  signe  de  pitie  et  compassion  que  donne  Iudas.  Or  il  est  dit  quant  et  quant  que  Iesus  Christ  lui  reproche,  Amy  pourquoy  es4u  venu?  qui  est  comme  s'il  disoit,  Vilain,  qui  as  este  avec  moy  a  ma  table,  tu  as  este  comme  de  mon  corps,  quand  nous  estions  unis  comme  enfans  de  Dieu  (car  combien  que  ie  fusse  vostre  chef,  si  est-ce  que  ie  vous  ay  recognus  comme  mes  membres)  et  cependant  tu  me  viens  trahir,  voire  par  un  baiser.  La  dessus  notons  qu'il  a  fallu  que  le  Fils  de  Dieu  eust  ceste  marque,  afin  que  l'Escriture  fust  tant  mieux  approuvee,  et  qu'on  cognust  que  c'estoit  luy  que  Dieu  avoit  eleu  pour  nostre  Redempteur.  Car  tout  ceci  avoit  este  figure  en  la  personne  de  David,  qui  a  este  comme  un  miroir  et  image  du  Fils  de  Dieu.  Or  il  dit  que  ce  n'ont  point  este  les  estrangers,  ni  ceux  qui  se  declaroyent  manifestement  ses  ennemis,  qui  l'ont  moleste  et  tormente:  mais  celuy  (dit-il)  qui  mangeoit  le  pain  a  ma  table  a  leve  contre  moy  le  talon  par  trahison,  il  m'a  circonvenu,  il  m'a  trahi  faussement.  Voire  mesmes  celuy  (comme  il  dit  en  l'autre  passage)  qui  m'accompagnoit  pour  aller  ensemble  en  la  maison  du  Seigneur.  Comme  s'il  disoit  qu'il  n'y  avoit  pas  seulement  une  privaute  et  amitie  humaine,  comme  elle  sera  entre  ceux  qui  vivent  en  commun:  mais  qu'il  y  avoit  fraternite  saincte,  et  dediee  au  nom  de  Dieu.  Voyla  donc  ce  que  le  sainct  Esprit  nous  a  voulu  monstrer,  c'est  que  rien  n'est  advenu  au  Fils  de  Dieu,  qui  n'eust  este  testifie  auparavant,  et  qui  n'ait  este  figure,  afin  que  nous  soyons  tant  mieux  confermez,  que  c'est  luy  qui  de  tout  temps  avoit  este  establi  de  Dieu,  puis  qu'il  porte  de  telles  marques  et  si  infaillibles.  Au  reste  en  la  personne  de  Iudas  nous  voyons  que  l'Eglise  de  Dieu  sera  tousiours  suiete  a  beaucoup  de  trahisons.  Il  est  vray  que  c'est  beaucoup  d'avoir  Satan  pour  ennemi  avee  tout  son  appareil,  54*