46:853  853  DE  LA  PASSION.  854  perdition  du  genre  humain,  et  faut  qu'en  ma  personne  le  Royaume  de  Dieu  soit  recouvre,  ou  bien  que  toutes  creatures  perissent:  Et  cependant  vous  estes  yci  endormis.  Or  ceste  admonition  n'a  gueres  servi  pour  ce  temps-la:  mais  avec  le  temps  les  disciples  ont  cognu  qu'il  falloit  bien  qu'ils  attribuassent  toute  la  louange  de  salut  a  Dieu:  voire  attendu  leur  ingratitude,  qui  estoit  apparue  en  une  laschete  si  brutale.  Et  ainsi  maintenant  nous  sommes  admonestez  (comme  i'ay  desia  touche)  qu'il  a  bien  fallu  que  le  Fils  de  Dieu  se  monstrast  notre  Redempteur  luy  seul,  et  sans  aide.  Et  au  reste  apprenons  quant  et  quant  qu'il  est  besoin  que  Dieu  veille  sur  nous  cependant  mesmes  que  nous  dormons.  Car  combien  de  fois  adviendra-il  que  le  diable  nous  auroit  opprimez  cent  mille  fois  :  et  cependant  quel  moyen  avons-nous  d'y  resister,  sinon  que  Dieu  ait  pitie  de  nous,  combien  qu'il  nous  voye  la,  comme  abbrutis:  Or  si  ne  faut-il  pas  que  cela  nous  donne  occasion  de  nous  esgarer,  et  de  quitter  oraisons  et  prieres.  Mais  cependant  si  nous  fautil  tousiours  retenir  ceste  sentence  du  Pseaume,  Celuy  qui  veille  sur  Israel  ne  dort  iamais  :  qui  plus  est,  il  ne  sommeille  point.  Et  ainsi  de  nostre  coste  soyons  vigilans,  comme  desia  nous  avons  veu  l'exhortation  qui  nous  en  estoit  faite.  Mais  cognoissons  que  quelque  vigilance  qu'il  y  ait  en  nous,  encore  faut-il  que  Dieu  face  bon  guet,  ou  autrement  nos  ennemis  auroyent  bientost  tout  gaigne  contre  nous.  Il  s'ensuit  que  Iesus  Christ  dit  a  ses  disciples,  Allons,  voyci  celui  qui  me  trahit  approche.  Il  ne  veut  pas  qu'ils  luy  tienent  compagnie  (comme  desia  nous  avons  declare)  sinon  pour  veoir  comme  il  ne  s'espargne  point  pour  eux,  ni  pour  tout  le  genre  humain.  Car  il  s'est  presente  pour  recevoir  tous  les  coups,  et  pour  les  en  exempter:  comme  il  falloit  que  ceste  parolle  fust  accomplie,  quil  ne  laissast  rien  perir  de  ce  que  le  Pere  celeste  luy  avoit  donne  et  commis  en  charge  et  protection.  Mais  par  cela  ii  declare  qu'il  s'en  va  volontairement  a  la  mort,  suyvant  ��e  que  nous  avons  traitte  ce  matin  qu'il  falloit  que  le  sacrifice  d'obeissance  respondist  pour  effacer  toutes  nos  rebellions.  Si  Iesus  Christ  de  son  bon  gre  ne  se  fust  offert  pour  appaiser  l'ire  de  Dieu  son  Pere,  sa  mort  et  passion  ne  nous  eust  de  rien  servi:  mais  il  y  va,  et  declare  que  comme  il  a  vestu  nostre  nature  afin  d'accomplir  nostre  redemption,  aussi  estant  en  l'acte  principal,  il  n'a  point  voulu  defaillir  a  son  office.  Quant  a  l'histoire,  il  est  dit  que  Iudas  avoit  donne  signe  que  celuy  qu'il  baiseroit,  s'estoit  Iesus,  et  qu'on  le  saisist,  et  qu'estant  arrive  il  le  baise,  et  luy  dit,  bien  te  soit,  Maistre.  Or  notons  que  c'estoit  une  facon  de  saluer.  Comme  en  quelques  nations  on  s'embrasse,  aux  autres  on  baillera  la  main.  Les