46:852  le  remede  qui  nous  est  yci  propose.  Voyla  donc  en  somme  ce  que  nous  avons  a  retenir.  Or  quand  il  est  dit  que  lqs  disciples  se  sont  endormis  pour  la  troisieme  fois,  voire  combien  qu'ils  eussent  este  picquez  si  vivement  (outre  ce  que  nous  avons  touche  ce  matin,  c'est  ascavoir  que  nous  voyons  bien  que  Iesus  Christ  pour  parfaire  nostre  salut,  n'a  point  cherche  aucun  compagnon)  contemplons  aussi  quelle  est  nostre  tardivite:  car  il  est  certain  que  nous  no  sommes  pas  plus  habiles  qu'ont  este  ces  trois  dont  il  est  yci  fait  mention,  et  toutesfois  c'estoyent  les  plus  excellens  de  la  compagnie,  et  ceux  que  Iesus  Christ  avoit  marque  comme  toute  la  fleur  des  douze,  lesquels  devoyent  publier  l'Evangile  par  tout  le  monde.  Combien  donc  que  desia  il  y  eust  un  si  bon  commencement,  si  voyonsnous  comme  ils  defaillent.  Or  c'est  afin  que  nous  recourions  du  tout  au  Fils  de  Dieu,  et  que  nous  cherchions  en  luy  tout  ce  qui  nous  defaut:  et  que  nous  ne  perdions  point  courage,  quand  nous  sentirons  une  telle  debilite  en  nous.  Vray  est  que  l'exemple  des  Apostres  ne  nous  doit  point  donner  occasion  de  flatterie  (comme  beaucoup  diront  qu'ils  peuvent  bien  estre  endormis,  d'autant  que  Pierre  et  Iehan  et  Iaques  Pont  este)  mais  en  nous  desplaisant  en  nos  vices,  que  tousiours  nous  scachion&  que  nostre  Seigneur  Iesus  est  prest  de  nous  recevoir,  moyennant  que  nous  venions  a  luy.  D'avantage  il  y  a  tousiours  ceste  raison  speciale  que  nous  avons  declaree  ce  matin,  qu'il  a  fallu  que  tout  ce  qui  est  des  hommes  defaillist,  afin  qu'on  cognust  que  l'accomplissement  de  nostre  salut  est  en  celuy  qui  nous  a  este  ordonne  de  Dieu  pour  Mediateur.  Il  nous  faut  aussi  noter  quand  nous  sommes  prochains  de  nostre  Seigneur  Iesus  Christ,  que  c'est  alors  que  nous  devons  estre  plus  vigilans.  Car  les  mondains  et  ceux  que  Dieu  a  du  tout  retranchez  comme  membres  pourris,  et  qu'il  abandonne,  n'ont  pas  grand  combat:  car  le  diable  domine  desia  sur  eux.  Et  voyla  pourquoy  ils  peuvent  dormir  a  leur  aise.  Mais  selon  que  nostre  Seigneur  Iesus  nous  fait  la  grace  de  nous  appeler  a  soy,  et  s'approcher  de  nous  familierement,  les  combats  aussi  sont  dressez  par  Satan,  a  cause  qu'il  nous  voudroit  retirer  de  l'obeissance  du  Fils  de  Dieu.  Quand  (di-ie)  il  voit  que  nous  sommes  en  bon  train,  c'est  alors  que  nous  avons  tant  plus  rudes  assauts.  Et  ainsi  qu'un  chacun  se  prepare,  cognoissant  a  quoy  il  est  appele  de  Dieu,  et  quelle  est  sa  charge.  C'est  donc  en  somme  ce  que  nous  avons  a  retenir.  Au  reste,  quand  il  est  dit  Dormez  et  reposer,  il  en  est  temps:  cela  est  comme  en  declarant  qu'ils  seroyent  bientost  surpris,  si  ce  n'est  que  Dieu  veillast  sur  eux.  Et  cependant  il  les  redargue  en  disant,  Comment?  regardez  ou  vous  en  estes:  car  voyci  le  diable  qui  lait  tous  ses  efforts  pour  la