46:851  851  SERMONS  852  qu'il  cache  sa  vertu.  Car  c'est  bien  raison  que  les  hommes  qui  se  conflent  par  trop  en  eux,  se  trouvent  frustrez,  et  que  Dieu  se  moque  de  leur  arrogance  et  folle  imagination.  Afin  donc  que  et  grans  et  petis  cognoissent  qu'ils  ne  se  peuvent  passer  du  secours  de  Dieu:  et  que  quelques  graces  qu'ils  ayent  receues,  il  faut  que  tousiours  Dieu  continue  en  eux  ce  qu'il  y  a  mis,  et  mesmes  qu'il  l'augmente  afin  qu'ils  soyent  fortifiez,  il  est  dit  yci  que  l'Esprit  est  prompt  etc.  c'est  a  dire  qu'encores  que  nous  sentions  en  nous  quelque  bonne  volonte,  et  que  Dieu  nous  ait  desia  mis  au  chemin,  et  nous  ait  tendu  la  main,  que  nous  experimentons  que  vrayement  il  nous  gouverne  par  son  sainct  Esprit.  Combien  donc  que  nous  ayons  tout  cela,  si  ne  faut-il  point  que  nous  soyons  tardifs  a  prier.  Et  pourquoy?  regardons  s'il  n'y  a  en  nous  qu'esprit.  Or  il  est  certain  que  nous  y  trouverons  beaucoup  de  residu  d'infirmitez  :  et  combien  que  desia  Dieu  ait  besongne  en  telle  sorte,  que  nous  ayons  de  quoy  luy  rendre  action  de  graces,  et  magnifier  sa  bonte,  tant  y  a  qu'il  y  a  raison  de  baisser  la  teste,  et  de  veoir  que  s'il  nous  quittoit,  nous  serions  bien  tost,  ie  ne  dis  pas  affaiblis,  mais  du  tout  defaillans.  En  somme  nostre  Seigneur  Iesus  a  voulu  yci  monstrer  que  ceux  qui  sont  les  plus  parfaits,  les  plus  avancez,  et  ou  Dieu  a  desploye  les  graces  et  vertus  de  son  sainct  Esprit,  encores  faut-il  qu'ils  s'humilient,  et  qu'ils  cheminent  en  crainte  et  solicitude,  qu'ils  invoquent  Dieu  a  chaque  heure,  scachans  que  ce  n'est  point  assez  qu'il  ait  commence,  s'il  ne  parfait:  et  qu'il  faut  que  tout  bien  viene  de  luy:  et  quand  il  a  donne  le  bon  vouloir,  qu'il  faut  qu'il  adiouste  l'execution  quant  et  quant:  d'autant  que  la  perseverance  est  un  don  le  plus  singulier  et  le  plus  rare  qui  soit.  Voyla  a  quoy  nostre  Seigneur  Iesus  nous  a  voulu  exhorter.  Or  si  ceux  qui  se  peuvent  nommer  spirituels,  c'est  a,  dire  qui  ont  un  zele  ardent  de  servir  a  Dieu,  qui  sont  tout  aceoustumez  de  recourir  a  luy,  qui  sont  exercez  en  prieres  et  oraisons,  encores  sont  si  debiles,  qu'il  ne  faut  qu'une  seule  minute  de  temps  pour  les  ruiner,  sinon  qu'ils  invoquent  Dieu:  qui  sera-ce  de  ceux  qui  sont  encores  si  terrestres  et  si  pesans  que  c'est  pitie,  tellement  qu'ils  ne  peuvent  pas  trainer  les  iambes,  et  qu'a  grand  peine  auront-ils  un  bon  mouvement  ni  une  seule  bonne  pensee?  combien  faut-il  que  ceux  la,  s'efforcent  au  pris  ?  Ainsi  donc  que  chacun  de  nous  s'examine,  et  nous  trouverons  que  nous  sommes  si  lasches  et  si  hebetez  quand  il  est  question  de  prier  Dieu,  qufil  y  a  quelquefois  plus  de  ceremonie  que  d'affection.  Voyans  cela,  que  nous  apprenions  de  nous  desplaire  en  un  tel  vice,  et  en  une  telle  laschete:  que  nous  detestions  mesmes  une  telle  corruption,  que  nous  mettions  peine  a  invoquer  Dieu,  et  elever  nos  esprits  en  haut,  et  a  chercher