46:850  en  ce  monde,  pource  qu'ils  ne  peuvent  servir  a  Dieu  sans  contredit.  Mais  combien  qu'ils  soyent  debiles,  combien  qu'ils  puissent  estre  empeschez,  voire  abbatus  souvent,  qu'ils  se  contentent  d'estre  aidez  et  secourus  de  la  main  de  Dieu,  et  que  tousiours  ils  s'appuyent  sur  ceste  promesse,  que  nostre  foy  sera  victorieuse  par  dessus  tout  le  monde.  Cependant  aussi  le  remede  nous  est  propose,  c'est  que  nous  bataillions.  Ii  est  vray  que  Satan  ne  laissera  pas  de  recommencer  a  nous  assaillir,  mais  Iesus  Christ  aussi  commande  qu'on  veille.  Au  reste,  il  monstre  que  ceux  qui  presument  de  leurs  forces,  seront  vaincus  de  Satan  cent  mille  fois,  plustost  que  d'obtenir  iamais  une  seule  victoire.  Que  faut-il  donc?  Qu'en  confessant  avec  toute  humilite  que  nous  ne  pouvons  rien,  nous  allions  a  nostre  Dieu.  Voyla  donc  nos  vrayes  armes:  voyla  qui  nous  oste  toute  crainte  et  frayeur:  voyla  ce  qui  nous  peut  asseurer  et  resoudre,  que  iusques  en  la  fin  nous  persisterons  sains  et  saufs:  c'est  ascavoir  quand  nous  invoquerons  Dieu:  comme  Salomon  dit  que  le  nom  d'ice-luy  est  une  forteresse  invincible,  et  que  le  iuste  y  aura  sa  retraitte  bonne  et  asseuree.  Et  c'est  ce  qui  est  aussi  dit  par  le  Prophete  Ioel,  qu'encores  que  le  monde  se  renverse  ce  que  dessus  dessous,  quiconques  invoquera  le  Nom  du  Seigneur  sera  sauve.  Et  cela  notamment  est  applicque  au  regne  de  nostre  Seigneur  Iesus  Christ,  afin  que  nous  soyons  tout  persuadez,  combien  que  nostre  salut  soit  comme  en  bransle,  et  que  nous  voyons  comme  mille  hazars,  que  toutesfois  Dieu  nous  aura  en  sa  protection,  et  que  nous  sentirons  que  sa  vertu  nous  est  tousiours  prochaine,  et  appareillee  a  nostre  secours,  moyennant  que  nous  le  cherchions  par  oraisons  et  prieres:  voyla  en  somme  ce  que  nous  avons  a  retenir.  Or  afin  que  nous  soyons  mieux  confermez  en  ceste  doctrine,  notons  que  nostre  Seigneur  Iesus  en  priant  n'a  pas  seulement  invoque  Dieu  pour  soy  et  pour  son  usage,  mais  qu'il  a  dedie  toutes  nos  requestes  et  oraisons,  tellement  qu'elles  sont  sainctes  et  que  Dieu  les  approuve,  et  les  ha  pour  agreables.  Comme  il  dit  au  dixseptieme  chapitre  de  sainct  Iehan,  qu'il  se  sanctifie  afin  que  nous  soyons  tous  sanctifiez  en  luy.  Il  nous  faut  aussi  bien  conclure  qu'il  a  prie  afin  que  son  oraison  vaille  auiourd'huy,  et  qu'elle  ait  sa  vigueur,  et  que  par  le  moyen  d'icelle  nous  soyons  tous  exaucez.  Et  ceste  raison  est  bien  a  priser,  quand  il  adiouste  que  VEsprit  est  prompt,  mais  que  la  chair  est  debile.  Car  c'est  pour  monstrer  que  tous  ont  besoin  du  remede  qu'il  ordonne  yci  a  ses  disciples.  Car  beaucoup  pensent,  quand  ils  ont  quelque  bonne  affection,  avoir  tout  gaigne:  et  cela  les  annonchalit:  il  y  a  puis  apres  une  telle  paresse  et  froidure  qu'ils  se  reculent  de  Dieu,  et  mesprisent  son  aide.  Et  cela  est  cause  aussi  que  Dieu  se  retire  souvent  et  54