7:85  85  CONTRE  LES  ANABAPTISTES.  86  plique,  que  les  Princes  se  pourront  bien  convertir  a  Dieu,  [page  74]  mais  en  laissant  leur  dignite:  cela  est  une  calumnie  trop  patente.  Oar  sainct  Paul  ne  dit  pas  qu'ilz  renonceront  a  leur  principaute,  pour  devenir  Chrestiens.  Et  mesmes  les  parolles  dont  il  use,  ne  pourroyent  nullement  consister  avec  telle  evasion.  Car  s'il  falloit  qu'un  Prince  abandonnast  sa  dignite,  pour  devenir  Chrestien,  il  s'ensuyvroit  que  cest  estat  la  demeureroit  prive  de  la  grace  de  Dieu,  comme  indigne  et  reprouve.  Mais  ilz  pensent  bien  avoir  des  obiections  invincibles,  pour  excommunier  de  l'Eglise,  et  de  toute  esperance  de  salut  l'estat  des  Princes,  en  alleguant  quelques  passages  mal  entenduz,  lesquelz  ilz  destournent  impudemment  a  ce  propos.  Ilz  alleguent  premierement,  que  nostre  Seigneur  Iesus  n'ordonna  pas  que  la  femme  qui  avoit  este  surprinse  en  adultere,  fust  lapidee,  comme  la  Loy  de  Dieu  le  portoit:  mais  qu'il  usa  envers  elle  de  misericorde,  disant:  Va,  ne  peche  plus  (Iehan  8,  11).  Devant  que  respondre,  ie  leur  demande  une  question.  Ilz  disent  que  l'excommuniement  a  succede  au  glaive  materiel  en  l'Eglise  Chrestienne:  tellement  qu'au  lieu  qu'on  punissoit  autrefoys  un  crime  par  mort,  il  se  doit  a  present  punir  en  privant  le  delinquent  de  la  compagnie  des  fideles.  Ie  leur  demande  donc  comment  ilz  [page  75J  excuseront  Iesus  Christ  en  ce  qu'il  a  faict?  Car  il  n'a  pas  observe  leur  reigle:  ne  condamnant  la  femme  non  plus  a  estre  bannie  de  la  congregation  saincte,  qu'a  mourir.  Par  cela  voit-on  desia,  comme  ce  sont  povres  ecerveles  parlans  sans  raison.  1)  Ie  viens  maintenant  a  la  vraye  solution,  qui  est  bien  facile.  Il  est  a  noter  que  ces  povres  bestes  suyvent  en  ce  passage  l'exposition  dont  les  prestres  Papistiques  ont  tresbien  faict  leurs  choulx  gras.2)  Car  pource  que  le  mariage  leur  estoit  defendu,  ilz  ont  voulu  avoir  pour  recompense  conge  de  paillardes  Ainsi  ont  emprunte  les  femmes  de  leurs  voisins.  Or  afin  qu'il  ne  semblast  que  ce  fust  un  si  grand  peche  qu'adultere,  ilz  ont  dict,  que  nous  estions  soubz  la  Loy  de  grace,  quant  a  ce  cas.  Et  n'ont  quasi  recongneu  la  grace  de  Iesus  Christ  en  autre  chose  que  pour  laisser  les  adulteres  impuniz.  Ces  povres  gens,  comme  i'ay  dict,  les  ensuyvent,  et  en  advient  selon  la  sentence  de  Iesus  Christ,  que  quand  un  aveugle  conduit  l'autre,  tous  deux  tombent  en  la  fosse  (Matth.  15,  14;  Luc  6,  39).  Or  il  est  certain,  que  nostre  Seigneur  n'a  rien  voulu  changer  de  la  police,  ou  de  l'ordre  civil:  mais  sans  y  rien  deroguer  a  faict  l'office,  pour  lequel  il  estoit  venu  au  monde,  assavoir  de  pardonner  les  peches.  Car  1)  hinc  iam  perspicitur  ut  cerebro  careant.  2)  qui  nefandas  libidines  suas  eo  tutati  sunt.