58:85  85  DE  IACOB  ET  ESAU.  86  quitte  en  tenant  ses  appetis  bridez,  pour  ne  point  exceder  mesure:  et  puis  il  s'esleve  tousiours  enhaut,  regardant  au  service  de  Dieu,  et  le  preferant  a  ce  qui  est  du  monde.  Apres  s'il  faut  que  celui  qui  estoit  riche,  soit  appovri:  et  bien,  qu'il  aime  mieux  estre  povre,  voire  iusques  a  manger  des  racines,  si  besoin  en  estoit,  que  de  s'aliener  de  Dieu:  et  que  tousiours  il  demeure  la  ferme,  pour  dire,  Puis  que  ie  suis  heritier  du  monde,  ie  me  dois  bien  contenter:  et  maintenant  si  i'ay  faim  et  soif,  si  i'ay  beaucoup  de  disettes  et  de  povretez,  ie  prieray  Dieu  qu'il  me  donne  patience.  Et  voila  aussi  pourquoy  S.  Paul  dit  qu'il  avoit  apprins  en  l'escole  de  nostre  Seigneur  Iesus  Christ  d'avoir  faim  et  d'avoir  abondance:  c'est  a  dire,  quand  il  avoit  dequoy,  il  ne  laissoit  pas  de  se  tenir  en  serre:  et  quand  il  n'avoit  rien,  il  estoit  patient  en  sa  necessite,  il  recouroit  a  Dieu,  et  aimoit  mieux  avoir  beaucoup  de  disettes  selon  le  monde,  que  d'avoir  pour  se  crever,  et  cependant  d'estre  vuide  des  biens  celestes.  Car  il  est  certain  qu'Esau  a  eu  son  ame  ensevelie  en  ce  potage  qu'il  void  la,  il  le  flaire,  il  iette  la  le  groin.  Et  pourquoy?  C'est  pource  qu'il  n'avoit  autre  consideration  que  de  ceste  vie  presente.  Ainsi  donc,  voila  son  ame  qui  est  ensevelie  la  dedans.  Or  nous  pourrons  estre  environnez  de  tous  les  biens  de  ce  monde:  mais  il  ne  faut  point  que  le  flair  nous  alleche  tellement,  que  nous  ne  prisions  les  biens  spirituels  par  dessus,  pour  les  preferer  tousiours.  Voila  donc  en  somme  comme  il  nous  faut  appliquer  ceste  doctrine  a  nostre  usage.  Et  au  reste  notons  bien  ce  qui  est  ici  dit,  que  le  mal  d'Esau  a  este  |  qu'il  n'a  tenu  conte  de  sa  primogeniture.  Et  pour-  j  tant  c'est  signe  que  nous  vilipendons  les  graces  de  j  Dieu,  et  par  maniere  de  dire,  les  iettons  par  terre  et  a  nos  piez,  quand  nous  sommes  par  trop  adonnez  ou  a  ceste  vie,  ou  a  nos  cupiditez,  et  que  nous  ne  pouvons  rien  souffrir  ne  porter:  mais  que  nous  voulons  avoir  tout  ce  qui  nous  est  souhaitable  selon  la  chair.  Quand  donc  nous  voulons  ainsi  retenir  nos  appetis,  il  est  certain  que  nous  vilipendons  l'heritage  celeste.  Car  comment  sera-il  prise  de  nous?  Ce  sera  (comme  i'ay  desia  dit)  quand  le  monde  ne  nous  sera  que  comme  un  accessoire,  et  que  tout  ce  qui  y  est  ira  comme  a  la  queue:  mais  que  l'Evangile,  et  les  promesses  qui  y  sont  contenues,  par  lesquelles  Dieu  nous  testifie,  que  comme  il  nous  a  adoptez,  aussi  il  nous  veut  avoir  a  soy:  que  cela  aille  au  dessus,  et  que  nous  y  soions  ravis.  Et  cependant,  pensons  bien  a  nous.  Car  si  une  fois  le  diable  a  gaigne  ce  point,  que  nous  soions  abrutis  en  nos  voluptez,  il  ne  nous  souviendra  plus  de  rien,  nous  ne  cercherons  sinon  ceste  vie  caduque,  nous  ne  ferons  que  circuir  comme  povres  bestes,  et  n'aurons  nul  but  auquel  nous  tendions,  comme  il  en  est  avenu  a  Esau.  I'ay  desia  dit  que  ces  mots  ne  sont