52:85  85  CAPUT  I.  86  Dei  Christus,  quia  Deum  quodammodo  nobis  facit  visibilem.  Quamquam  inde  etiam  colligitur  ojxouata.  Neque  enim  Deum  vere  Christus  repraesentaret,  nisi  verbum  esset  Dei  essentiale:  quando  hic  non  agitur  de  iis,  quae  per  communicationem  in  creaturas  etiam  competunt:  sed  agitur  de  perfecta  Dei  sapientia,  bonitate,  iustitia  et  potentia:  quibus  repraesentandis  nulla  creatura  sufficeret.  Erit  igitur  nobis  in  hoc  vocabulo  validum  telum  adversus  Arianos:  sed  tamen  ab  illa  relatione,  quam  dixi,  incipiendum,  non  insistendum  in  sola  essentia.  Summa  est,  Deum  in  se,  hoc  est,  in  nuda  sua  maiestate,  esse  invisibilem:  nec  tantum  corporeis  oculis,  sed  humanis  etiam  mentibus  :  revelari  autem  nobis  in  solo  Christo,  ut  eum  tanquam  in  speculo  contemplemur.  Nam  in  Christo  suam  iustitiam,  bonitatem,  sapientiam,  virtutem,  se  denique  totum  nobis  exhibet.  Cavendum  ergo  ne  alibi  eum  quaeramus  :  nam  extra  Christum  quidquid  se  Dei  nomine  venditabit,  idolum  erit.  Primogenitus  universae  creaturae.  Ratio  huius  appellationis  mox  sequitur  :  quoniam  in  ipso  c  r  e  a  t  a  sunt  omnia.  Quemadmodum  tertio  post  versu  primogenitus  ex  mortuis  dicitur,  quia  per  ipsum  resurgimus  omnes.  Ergo  non  ideo  tantum  primogenitus,  quod  tempore  praecesserit  omnes  creaturas:  seo  quia  in  hoc  a  Patre  sit  genitus,  ut  per  ipsum  conderentur:  sitque  veluti  hypostasis  aut  fundamentum  omnium.  Stulte  autem  Ariani,  qui  inde  ratiocinabantur,  esse  igitur  creaturam.  Neque  enim  quid  in  se  ipso  sit,  hic  tractatur:  sed  quid  in  aliis  efficiat.  16.  Visibilia  et  invisibilia.  Superior  divisio  coelestium  et  terrestrium  utramque  speciem  comprehendebat.  Sed  quia  de  angelis  praecipue  hoc  asserere  volebat  Paulus,  nunc  invisibilium  meminit.  Non  igitur  solum  quae  oculis  patent  coelestes  creaturae,  sed  etiam  spirituales  per  filium  Dei  conditae  sunt.  Quod  statim  sequitur,  sive  t  h  r  o  n  i  ,  ete.  perinde  valet  ac  si  diceret,  quocunque  nomine  censeantur.  Per  thronos,  quidam  angelos  intelligunt.  Sed  ego  potius  coeleste  palatium  maiestatis  Dei  significari  puto  :  quod  non  est  tale  somniandum  quale  potest  mens  nostra  capere,  sed  quale  Deo  ipsi  convenit.  Solem  et  lunam,  totumque  coeli  ornatum  conspicimus:  sed  gloria  regni  Dei  a  sensu  nostro  est  abscondita:  quia  spiritualis  est,  et  coelis  superior.  Denique  per  thronos  intelligamus  sedem  illam  beatae  immortalitatis,  quae  ab  omni  mutatione  est  exempta.  Reliquis  nominibus  angelos  procul  dubio  designat.  Eos  vocat  potestates,  principatus,  dominationes:  non  quia  proprium  aliquod  regnum  exerceant,  aut  propria  virtute  sint  praediti:  sed  quia  ministri  sunt  divinae  potentiae  et  dominationis.  Est  autem  usitatum,  prout  vim  suam  exserit  Deus  in  creaturis,  eatenus  etiam  ad  ipsa  transferri  eius