50:85  85  CAPUT  VII.  86  solutione  supra  modum,  exundo  gaudio  in  omni  tribulatione  nostra.  &.  Etenim  quum  venissemus  in  Macedoniam,  nullam  relaxationem  habuit  caro  nostra,  sed  in  omnibus  fuimus  afflicti:  foris  pugnae,  intus  timores.  6.  Sed  qui  consolatur  humiles,  consolatus  est  nos  Deus  in  adventu  Titi.  7.  Neque  solum  in  adventu  eius,  sed  in  consolatione  quam  acceperat  de  vobis}  annuntians  nobis  vestrum  desiderium,  vestras  lacrymas,  vestrum  studium  pro  me:  ita  ut  magis  gauderem.  2.  Capaces  estote.  Iterum  a  doctrina  ad  suam  ipsius  personam  redit:  sed  hoo  tantum  consilio,  ut  Corinthios  admonendo  non  ludat  operam.  Quin  etiam  proximam  admonitionem  claudit  eadem  sententia,  qua  vice  praefationis  usus  fuerat.  Quid  enim  est  capite  nos,  vel  capaces  estote  nostri?  perinde  valet  atque  illud  dilatamini:  hoc  est,  nolite  committere  ut  pravi  affectus,  aut  sinistrae  opiniones  vos  impediant  quominus  in  animos  vestros  penetret  haec  doctrina  locumque  in  vobis  reperiat.  Nam  quum  paterno  studio  in  salutem  vestram  incumbam,  indignum  esset  me  surdis  fabulam  canere.  Nemini  fecimus  iniuriam.  Testatur  nullam  esse  causam  cur  habeant  alienatos  animos,  quia  nulla  in  re  eos  offenderit.  Tria  autem  ponit  genera  offensionum,  a  quibus  se  purum  asserit.  Primum  est  manifesta  laesio  vel  iniuria.  Secundum,  corruptela  quae  fit  per  falsam  doctrinam.  Tertium,  defraudato  aut  circumventio  in  bonis.  Haec  tria  sunt  quibus  ut  plurimum  solent  pastores  plebis  animos  a  se  alienare.  Nempe  vel  quum  petulantius  se  gerunt,  et  autoritatis  suae  praetextu  erumpunt  in  tyrannicam  saevitiam  aut  importunitatem  :  vel  quum  eos  abducunt  a  recta  via,  quibus  duces  esse  debuerant,  eosque  perversae  doctrinae  corruptelis  imbuunt:  vel  quum  alienis  bonis  inhiando,  immodicam  cupiditatem  produnt.  Si  quis  malit  brevius:  primum  est  ferocia  et  potestatis  abusus,  praeter  modum  insolescendo  :  secundum,  infidelitas  in  docendo:  tertium,  avaritia.  3.  Non  hoc  ad  condemnationem.  Quia  superior  excusatio  species  erat  expostulationis:  et  vix  fieri  potest  quin  expostulando  exprobremus:  ideo  temperat  quod  dixit.  Ego,  inquit,  ita  me  purgo,  ut  abstinere  velim  a  vestra  contumelia.  Inhumani  quidem  erant  Corinthii,  et  digni  qui  Paulo  absoluto  rei  in  eius  locum  subiicerentur:  imo  bis  rei  fierent,  ingratitudinis  nomine,  et  quod  innocentem  calumniati  fuerant.  Verum  ea  est  apostoli  moderatio,  ut  simplici  defensione  contentus  a  recriminatione  abhorreat.  Siquidem  iam  ante  dixi.  Qui  amant,  non  insectantur:  quin  potius  si  quid  peccatum  est,  vel  tegunt  dissimulatione,  vel  mansuetudine  leniunt.  Odii  enim  signum  est  exprobrandi  libido.  Itaque  Paulus,  ut  probet  sibi  nequaquam  animum  fuisse  gravandi  Corinthios,  allegat  suum  erga  eos  amorem.