5:85  LIBER  L  CAPUT  X.  XL  Hoc  factum  est  Nonis  Februarii.  Errat  tamen  vir  de  studiis  humanioribus  bene  meritus  Baptista  Egnatius  in  suis  Caesaribus,  quum  affirmat  Augusto  primo  attributum  esse  cognomen  patris  patriae:  quum  prius  dictatori  inditum  fuerit,  ut  alibi  videbitur.  Quod  contumelias  quoque  suas]  Animadvertendum  luc  quod  dicit  principes  acerbius  ferre  contumeliam  quam  iniuriam.  Iniuria  namque,  ut  ait  Ulpianus,  seu  re,  seu  verbis,  nihil  differt  a  contumelia.  Quod  dictum  [pag.  76]  parum  convenit  cum  hoc  loco  Senecae.  Itaque  referendum  ad  illam  Marcelli  distinctionem,  dicentis  iniuriam  a  contumelia  hoc  distare,  quod  iniuria  levior  res  est.  Pacuvius  in  Peribea:  Patior  facile  iniuriam,  si  est  vacua  a  contumelia.  Facile  aerumnam  ferre  possum,  si  male  abest  iniuria.  Etiam  iniuriam,  nisi  contra  constat  contumelia.  Contumelia  enim  a  contemnendo  dicitur,  ut  idem  Ulpianus  autor  est.  Nihil  autem  principes  magis  aegre  patiuntur,  quam  contemni.  Habet  enim  quendam  aculeum  contumelia,  inquit  Cicero  Verrina  V.,  quem  boni  viri  ferre  non  possunt.  Et  Publius  Mimographus:  Contumeliam  pati  nec  fortis,  nec  ingenuus  potest.  1)  Aristoteles  quoque  Ethicorum  lib.  IV.  servile  esse  opinatur,  perferre  contumelias.  Hoc  si  in  aliis  verum  est,  in  principe  tamen  verissimum.  Nazarius  in  Panegyrico  Constantini:  O  quam  acres  habes  dolorum  aculeos  a  contumelia,  quam  imponit  inferior.  Contumelias  autem  suas  eadem  forma  qua  Cicero  loquitur  Philipp.  XIII.:  Pergit  porro  in  mea  maledicta,  quasi  vero  pulcherrime  priora  processerint.  Sic  etiam  passive  Coelius  memoriam  tuam  dixit  libro  VIII.  Epist.  Ciceronis.  Non  quin  mihi  suavissimum  sit  tuae  memoriae  operam  dare.  Contumelia  fuit,  quod  Labeo  Antistius  in  senatus  lectione  legit  M.  Lepidum  Circeiis  exsulantem  in  opprobrium  Augusti,  quod  sparsi  famosi  de  eo  in  curia  libelli,  quod  illi  a  quodam  senatore  dictum  est:  Contradicerem  tibi,  si  locum  haberem.  Ab  aliis:  Licere  senatoribus  de  republica  loqui.  Probrosis  in  se  dictis  arrisit]  Celebratur  Alexandri  apophthegma  a  Plutarcho  :  fiaoiiXixov  eaivv  evitoiow-  %a  xaxoec  axovsw.  Regium  est  benefacientem  male  audire.  Quod  sequutus  Augustus  patienter  audiit  loedorias  et  scommata  quae  in  se  iactabantur:  quemadmodum  etiam  recitat  Macrobius  libro  II.  Saturnalium.  Nos  pauca  subiiciemus.  Quum  adulescentem  provincialem  sibi  simillimum  per  iocum  interrogasset,  an  mater  sua  aliquando  Romae  fuisset,  negavit  ille  :  nec  contentus  adiecit,  pater  meus  saepe.  Et  Pollio  quum  in  eum  Fescenninos  Augustus  scrip-  1)  Sententiam  hanc  hodie  sic  expressam  legimus:  Contumeliam  nec  ingenuus  fert  nec  fortis  facit.