44:85  85  CAPUT  I.  86  obiectio:  Veram  quidem  est  cultum  Dei  merito  praeferendum  esse  aliis  rebus,  sed  Dominus  hoc  nobis  concedet,  ut  singuli  domos  suas  exstruant:  dabimus  interea  operam  sacrificiis.  Nonne  vixerunt  patres  nostri  sine  templo  per  multa  saecula?  tunc  Deus  sanctuario  contentus  fuit.  Iam  erectum  est  altare,  et  illic  offeruntur  sacrificia.  Dominus  ergo  nobis  ignoscet  si  differimus  templi  aedificationem  in  tempus  opportunum.  Interea  vero  quisque  domum  suam  aedificabit,  ut  scilicet  per  otium  postea  templum  magis  sumptuose  exstruatur.  Quidquid  sit,  videmus  quod  iam  aliquoties  dixi,  Iudaeos  ita  fuisse  addictos  suis  domesticis  commodis,  suae  quieti,  suis  etiam  delitiis,  ut  cultum  Dei  fere  pro  nihilo  ducerent.  Haec  causa  est  cur  tam  severe  illis  succenseat  propheta.  Dicit  igitur  se  ita  fuisse  loquutum,  Populus  hic  dicit  nondum  venisse  tempus  quo  aedificetur  domus  Iehovae.  Hic  recitat  quod  solebant  adducere  Iudaei  ad  fucandam  suam  pigritiem,  quum  iam  per  longum  tempus  cunctati  essent,  et  non.  possent  nisi  summa  impudentia  defendere  vitium  suum.  Tamen  videmus  ut  sibi  adhuc  veniam  promittere  non  dubitarent.  Sed  ita  fere  sibi  indulgent  homines  in  suis  peccatis,  quasi'possent  cum  Deo  pacisci,  et  nugis  quibusdam  eum  placare,  sicuti  videmus  tunc  fuisse  factum.  Sed  simul  etiam  in  hoc  speculo  perspicimus  quanta  sit  hominum  ingratitudo.  Fuit  illud  beneficium  Dei  in  primis  memorabile,  et  cuius  etiam  gloria  vigere  debet  usque  ad  finem  saeculi.  Fuerant  reducti  ab  exsiho  qui  hoc  minime  speraverant.  Quid  fuit  illis  agendum,  nisi  ut  se  totos  addicerent  ad  colendum  suum  liberatorem?  Atqui  exstruunt  nescio  quod  tugurium  Deo,  et  quasi  sub  pluvia  sacrificant:  et  ita  volunt  os  Deo  oblinere.  Interea  autem  sumptuose  habitare  volunt  in  domibus  optime  dispositis.  Hodie  autem  quid?  videmus  factum  esse  insigni  Dei  miraculo,  ut  illuxerit  nostro  tempore  evangelium:  nos  etiam  emerserimus  quasi  ex  inferis.  Nunc  quis  accendit  gratis  Dei  altare?  nam  omnes  respiciunt  quid  sibi  expediat,  et  dum  occupantur  singuli  in  utilitate  propria,  interim  abiicitur  Dei  cultus,  nulla  cura,  nullus  zelus,  nullum  studium:  imo  quod  longe  deterius  est,  multi  lucrum  captant  ex  evangelio  perinde  ac  si  esset  ars  quaestuosa.  Non  mirum  est  igitur  si  tam  indigne  contempserit  populus  ille  suam  liberationem  et  eius  memoriam  fere  deleverit,  quia  non  minus  turpe  exemplum  hodie  inter  nos  apparet.  Sed  hinc  etiam  videmus  quam  bene  consuluerit  Dominus  ecclesiae  suae,  dum  voluit  exstare  hanc  obiurgationem,  ut  hodie  nos  sollicitet,  et  metum  vel  pudorem  incutiat.  Porro  ita  frigemus  in  promovendo  cultu  Dei,  ubi  scilicet  rapimur  ad  nostra  commoda.  Huc  etiam  accedit,  quod  quum  spirituale  sit  templum  Dei,  crimen  nostrum  eo  atrocius  est,  ubi  ita  pigrescimus,  dum  scilicet  non