35:85  85  IOB  CHAP.  XXXIII.  86  brutales:  car  ils  n'apprehenderont  point  l'ire  de  Dieu:  mais  ceux  qui  sentent  que  Dieu  leur  est  contraire,  il  faut  qu'ils  soyent  desgoutez  de  tout  ce  qui  est  desirable  de  sa  nature,  et  qu'ils  en  soyent  faschez.  Et  pourquoy?  Ils  ne  peuvent  pas  prendre  mesmes  plaisir  a  leur  vie.  Combien  que  ceste  vie  soit  pleine  de  beaucoup  de  povretez,  et  qu'elle  soit  comme  une  mer  de  toutes  miseres:  si  est-ce  que  nous  la  devons  estimer  precieuse  d'autant  que  Dieu  nous  y  a  mis  et  nous  y  conserve,  afin  que  nous  ry  cognoissions  nostre  Createur  et  nostre  Pere:  comme  defait  nous  sommes  creez  a  ceste  finla,  et  sommes  maintenus  en  ceste  vie  caduque,  afin  que  nous  cognoissions  que  c'est  Dieu  qui  nous  y  entretient,  et  sentions  sa  bonte  paternelle  quand  il  luy  plaist  d'avoir  le  soin  de  nous,  et  de  nous  gouverner.  Ainsi  donc  nostre  vie  nous  doit  estre  precieuse  pour  ce  regard-la:  mais  quand  Dieu  se  monstrera  courrouce,  il  faut  que  nostre  vie  nous  soit  amere:  car  il  est  impossible  qu'un  bomme  sentant  cela,  ne  desire  d'estre  abisme:  comme  il  est  dit,  qu'ils  diront  aux  montagnes,  Couvrez  nous.  Voila  ou  nous  en  sommes.  Et  pourtant  apprenons  de  prendre  goust  en  premier  lieu  a,  la  bonte  de  nostre  Dieu,  afin  que  le  reste  des  biens  qu'il  nous  fait  nous  soit  desirable,  et  que  nous  y  prenions  saveur.  Or  ie  di  Prendre  goust  en  la  bonte  de  Dieu:  c'est  que  nous  ne  soyons  point  adonnez  tellement  aux  choses  de  ce  monde,  que  nous  n'ayons  le  principal  but  pour  dire,  Or  ca  que  nous  cerchions  d'obeir  a  nostre  Dieu,  et  de  nous  ranger  paisiblement  sous  sa  main.  Voila  donc  ce  qu'il  nous  faut  desirer.  Avons-nous  cela?  Quand  nous  iouyrons  des  biens  qu'il  nous  eslargist,  soit  en  beuvant  ou,mangeant,  et  en  tout  le  reste  de  nostre  vie:  que  nous  demandions  de  nous  resiouir  tellement  que  nous  rapportions  nostre  ioye  a  cest  usage  de  cognoistre  la  bonte  paternelle  de  nostre  Dieu:  pour  dire,  Voici  Dieu  qui  nous  declare  bien  le  soin  qu'il  a  de  nostre  salut,  puis  qu'il  veut  mesmes  pancer  nos  povres  corps.  Voici  des  charongnes,  et  Dieu  encores  en  veut  estre  le  nourricier.  Voila  donc  comme  il  nous  faut  boire  et  manger  en  telle  sorte,  que  nous  pensions  tousiours  a  la  bonte  de  nostre  Dieu.  Et  au  reste,  quand  nous  serons  degoustez  de  tout,  et  tellement  saisis  d'angoisse,  que  nostre  vie  mesme  nous  sera  en  haine:  que  nous  cognoissions  d'ou  cela  procede.  Et  c'est  que  Dieu  a  cache  son  visage,  et  que  nous  ne  sentons  plus  sa  faveur  paternelle,  laquelle  est  pour  donner  goust  et  saveur  a  tous  ses  benefices.  Et  ainsi  donc  quand  nous  gemissons,  et  que  nous  sommes  en  perplexite  et  angoisse:  que  nous  prions  Dieu  qu'il  lui  plaise  nous  faire  sentir  sa  bonte  qui  nous  est  maintenant  incognue.  Et  quand  nous  l'aurons  sentie,  que  cela