31:85  85  PSALMUS  VII.  86  erant  Saul  et  similes,  ut  Davidem  totus  fere  populus  damnaret,  hac  se  una  spe  pius  vir  sustentat,  quod  Deus,  rebus  in  mundo  confusis,  discernit  tamen  inter  iustos  et  impios.  Itaque  a  perversis  hominum  iudiciis  ad  eum  provocat  qui  falli  nunquam  potest.  Quaeritur  tamen  quomodo  quotidianum  iudicium  Deo  tribuat,  quem  videmus  poenas  in  longum  tempus  saepe  differre.  Et  certe  scriptura  non  abs  re  eius  |xaxpo^u[itav  praedicat,  sed  quanquam  nou  statim  iudicia  sua  exsequitur,  quia  nullum  tempus  est,  imo  nullus  dies  praeterit,  quo  non  certis  documentis  probet,  quae  permista  sunt  in  mundo,  a  se  discerni:  fixum  hoc  manet,  nunquam  eum  ab  officio  suo  cessare.  Quisquis  enim  oculos  attollet  ad  considerandum  mundi  regimen,  clare  videbit,  patientiam  Dei  longe  a  conniventia  differre:  certe  fideles  de  die  in  diem  ad  eum  intrepide  confugient.  13.  Nisi  conversus  fuerit,  gladium  suum  acuet:  arcum  suum  tetendit,  direxit  illum:  14.  Et  ei  paravit  vasa  mortis,  sagittas  suas  persequentibus  aptabit.  15.  Ecce  parturiet  iniquitatem,  et  concepit  pravitatem,  et  pariet  mendacium.  13.  (Nisi  conversus.)  Hi  tres  versus  duobus  modis  exponi  solent.  Quidam  enim  putant,  si  perrexerint  hostes  Davidis  in  sua  malitia,  denuntiari  vindictam  quam  meretur  eorum  obstinatio,  ita  in  secundo  membro  nomen  Dei  subaudiunt  ;  ac  si  dictum  esset:  Si  non  resipiscat  hostis  meus,  sentiet  tandem  Deum  suis  armis  instructum  esse  ad  tuendam  iustorum  salutem.  Si  hoc  modo  accipias  tertius  versus  erit  causae  redditio:  quia  impii  quum  meras  violontias  concipiant,  parturiant  iniquitatem,  et  fraudes  pariant,  recta  Deum  inpetunt,  et  ex  professo  in  certamen  provocant.  Sed  rectius  (meo  iudicio)  alii  uno  contextu  legunt  istos  duos  versus:  quanquam  ne  illi  quidem  in  exprimenda  mente  Davidis  mihi  satisfaciunt.  Neque  enim  dubito  quin  David,  horribiles  hostium  conatus  referens,  Dei  gratiam  hac  descriptione  magis  illustret.  Nam  quum  validis  copiis  et  armorum  apparatu  muniti,  funose  in  eum  irruerent,  nihil  nisi  exitium  sperantes,  quis  non  dixisset  de  ipso  actum  esse?  Subest  autem  ironiae  species,  dum  sibi  mortis  formidinem  ab  ipsis  proponit.  Nam  tantundem  est  ac  &i  dixisset:  Nisi  animi  propositum  mutaverit  hostis  meus,  vel  impetum  suum  ac  vires  alio  converterit,  quis  impediet  quominus  sub  eius  manu  peream?  Nam  quum  illi  arma  suppetant,  caedem  meam  modis  omnibus  machinatur.  Saulem  vero  proprie  designat,  ideoque  dicit  sagittas  aptasse  persequutoribus:  quia  multos  ad  manum  habebat  satellites,  qui  operam  suam  libenter  ad  perdendum  Davidem  locassent.  Prophetae  igitur  consilium  fuit,  ex  periculi