27:85  85  SUR  LE  DEUTER.  CHAP.  XI.  86  qui  vous  a  substantez  au  desert,  il  vous  a  envoye  la  Manne  du  ciel:  maintenant  done  que  vous  mettiez  en  oubli  une  telle  grace,  ou  sera-ce  aller?  Apres,  il  vous  a  non  seulement  envoye  la  Manne:  mais  il  a  preserve  vos  vestemens,  qu'ils  ne  se  sont  point  gastez  au  desert  par  l'espace  de  quarante  ans.  De  nuict  il  vous  a  monstre  qu'il  estoit  vostre  conducteur,  quand  il  vous  a  baille  le  signe  visible  par  le  feu:  de  iour  il  vous  a  aussi  garde  de  l'ardeur  du  soleil,  quand  sa  nuee  a  este  estendue  sur  vous:  en  toutes  sortes  il  vous  a  tant  assiste  que  rien  plus.  Quand  vous  avez  eu  soif,  il  vous  a  fait  decouler  l'eau  d'un  rocher  qui  estoit  sec  auparavant:  bref  il  n'a  rien  laisse  qu'il  ne  se  soit  declaire  un  pere  plus  que  benin,  et  liberal  envers  vous.  Maintenant  que  devezvous  faire,  sinon  pour  le  moins  vous  dedier  a  son  obeissance?  Et  puis  regardez  qu"il  a  fait  aussi,  quand  vous  avez  murmure  pour  vos  fols  appetits.  N'avezvous  pas  senti  sa  main  rude  alors?  Quand  vous  avez  demande  de  la  chair:  il  est  vray  qu'il  vous  en  a  envoye,  mais  ii  vous  a  fait  payer  l'escot  bien  cher:  car  c'est  comme  si  la  viande  vous  eust  estrangle  :  que  la  chair  estoit  encores  en  vostre  gosier,  que  son  ire  est  descendue  sur  vous.  Apres,  quand  vous  avez  este  desbordez  en  paillardise,  voila  sa  main  qui  s'est  dressee  en  telle  sorte,  qu'une  grande  multitude  de  gens  perit  d'entre  vous.  Quand  vous  avez  este  rebelles  a  sa  bouche,  il  a  envoye  l'ardeur  qui  vous  a  consommez,  iusques  a  tant  que  le  serpent  d'arain  fut  leve  :  en  toutes  sortes  donc  vous  avez  este  tant  chastiez  de  la  main  de  Dieu  qu'il  vous  en  doit  souvenir,  ou  vous  estes  pires  que  bestes.  Or  apres  que  Moyse  a  en  un  mot  declaire  tous  ces  chastimens,  il  amene  un  exemple  qui  estoit  notable,  et  digne  de  memoire  par  dessus  tout:  c'est  assavoir  de  la  rebellion  que  firent  Core,  Dathan  et  Abirom.  Car  comme  il  est  contenu  au  seziesme  des  Nombres,  ces  trois,  avec  un  de  la  lignee  de  Ruben,  se  leverent  contre  Aaron,  l'accusans  qu'il  avoit  usurpe  la  sacrificature,  qui  estoit  une  grande  dignite  au  milieu  du  peuple.  Car  Aaron  estoit  la  comme  en  la  personne  de  nostre  Seigneur  Iesus  Christ,  entrant  au  sanctuaire  pour  reconcilier  le  peuple  a  Dieu.  Or  il  faisoit  mal  a  ceux-ci,  qu'ils  ne  pouvoyent  parvenir  en  cest  estat  :  et  par  envie  ils  vont  mutiner  le  peuple,  et  disent:  Comment?  c'est  derogue  au  privilege  qui  nous  appartenoit  a  tous  enfans  d'Abraham  en  commun:  Dieu  nous  a  sanctifiez,  il  nous  appelle  son  heritage,  et  royaume  sacerdotal:  voici  Aaron  avec  ses  enfans  qui  ont  applique  a  leurs  personnes  ce  qui  estoit  general  a  tout  le  peuple.  Ainsi  maintenons  nostre  droict,  et  ne  souffrons  point  que  ceste  dignite  soit  convertie  en  heritage.  Voila  leur  couverture.  Or  il  y  avoit  une  grande  malice:  car  en  premier  lieu  Dieu  avoit  bien  proveu  a  cela,  qu'il  n'y  eust  nul  souspecon  oblique