26:85  85  SUR  LE  DEUTER.  CHAP.  III.  86  la  foy  marche  devant,  et  c'est  comme  la  clef  pour  nous  ouvrir  la  porte.  Mais  nous  userons  de  ceste  facon  de  parler  envers  les  incredules  et  les  ignorans  pour  les  attirer  petit  a  petit.  Ainsi  donc  Moyse  maintenant  ne  fait  point  comparaison  du  Dieu  d'Israel,  comme  s'il  avoit  conceu  en  son  cerveau  qu'il  j  ait  une  garenne  de  dieux,  et  que  chacun  s'employast  selon  sa  faculte.  Nenni:  il  cognoist  qu'il  n'y  ha  qu'un  seul  Dieu:  mais  pource  qu'il  voyoit  que  les  hommes  sont  ainsi  abusez,  il  dit,  qu'encores  que  les  autres  nations  receussent  des  biens  de  leurs  dieux,  selon  qu'ils  les  ont  imagine:  tant  y  a  que  le  Dieu  d'Israel  s'est  declare  en  telle  vertu,  qu'il  faut  qu'il  soit  adore,  et  qu'on  sache  qu'il  n'y  ha  que  luy  qui  regne,  qu'il  n'y  ha  que  luy  a  qui  appartienne  de  gouverner  et  ciel  et  terre:  et  qu'on  peut  voir  que  toutes  creatures  sont  en  sa  main,  par  les  miracles  qu'il  a  monstrez.  Voila  donc  l'intention  de  Moyse.  Au  reste  notons,  quand  la  dessus  les  Peres  anciens  ont  despite  les  Idoles  avec  tous  ceux  qui  les  adoroyent,  que  Dieu  s'est  aussi  declare  a  eux  d'une  facon  puissante.  Ils  ont  dit:  Ou  sont  les  dieux  qui  puissent  estre  pareils  a  celuy  d'Israel,  lequel  a  desploye  une  telle  vertu?  Comme  de  faict,  nous  ne  verrons  point  l'essence  de  Dieu  visible:  mais  selon  qu'il  se  declare  par  ses  oeuvres,  il  veut  estre  cognu  de  nous:  et  c'est  ainsi  qu'il  le  nous  faut  apprehender.  Quand  donc  Dieu  nous  a  declare  sa  vertu  puissante,  nostre  office  est  de  le  magnifier,  et  qu'il  soit  adore  de  nous,  en  sorte  que  nous  despitions  toutes  les  Idoles  que  les  hommes  se  forgent,  en  nous  moquant  de  tout  ce  qui  aura  este  introduit  par  le  monde.  Et  pourquoy?  Il  n'y  ha  la  que  mensonge  et  vanite.  Mais  d'autant  que  nous  ne  sommes  point  capables  de  bien  iuger  des  oeuvres  de  Dieu,  encores  qu'elles  nous  soyent  presentes,  que  nous  ne  pouvons  pas  venir  droit  a  luy,  si  non  qu'il  nous  y  conduise  par  sa  parolle  :  apprenons  de  nous  tenir  a  ceste  doctrine.  Quand  donc  Dieu  nous  fera  sentir  sa  vertu:  qu'il  nous  souvienne  de  nostre  rudesse  et  infirmite,  et  que  nous  prenions  quant  et  quant  sa  parolle,  pour  nous  exercer.  Et  que  nous  ne  facions  point  comme  les  Payens,  et  les  povres  incredules  qui  auront  ce  mot  de  Dieu  en  la  bouche:  et  cependant  tracassent  et  courent  ca  et  la  ne  sachans  que  c'est  de  Dieu.  Que  donc  nous  suyvions  la  verite  infallible.  Et  d'autant  qu'il  a  pleu  a  Dieu  de  se  reveler  a  nous,  voire  en  telle  sorte  que  nous  ne  pouvons  estre  seduits  ne  trompez:  apprenons  de  nous  y  arrester,  et  de  nous  y  tenir  du  tout.  Que  donc  "nous  ne  soyons  point  si  vollages,  que  nous  ne  puissions  faire  nostre  profit  de  toutes  les  graces  que  Dieu  nous  eslargit  iournellement,  et  ausquelles  il  veut  estre  glorifie:  que  toutes  superstitions  et  idolatries  soyent  abbatues,  et  que  la  verite  de  Dieu