11:85  1540  SEPT..OCTOB.  Quanquam,  ut  verum  fatear,  nihil  istorum  obstitisset,  nisi  accessisset  maius  impedimentum.  Sparsus  enim  rumor  fuit  ante  dies  quindecim,  qui  etiamnum  constanter  durat,  Caesarem  Wormaciam  adventare  ad  habendum  imperii  conventum,  quem  Haganoae  habendum  esse  decreverunt.  Nullum  quidem  adhuc  edictum  emersit3)  quo  dies  constituatur,  sed  verentur  nostri  ne  eas  artes  sequi  velit  quibus  usus  est  in  concilio  Haganoae  ediccndo.  Ad  eas  enim  angustias  eos  redegit,  ut  convenire  inter  se  ad  privatam  consultationem  antea  non  possent.  Sic  igitur  hodie  timent,  ne  velit  deprehendere  imparatos.  Haec  necessitas  Bucerum  hic  tenet,  nec  patitur  pedem  movere.  Rogat  igitur  te  summopere,  quando  vides  nulla  sua  culpa  id  fieri  ut  datam  fidem  non  praestet,  ut  se  excusatum  habeas.  Ego  sane  hoc  tibi  pro  ipso  polliceor,  nunquam  me  hominem  vidisse  ad  aliquid  agendum  paratiorem,  quam  erat  ad  hoc  iter  conficiendum,  nisi  hoc  vinculo  constringeretur.  Constabit  forte  brevi,  supervacuam  fuisse  hanc  curam.  Sed  quid  facerent  nostri  ubi  audiunt  iam  hospitia  designari  Wormaciae,  iam  Caesarem  appropinquare,  nisi  ut  intenti  essent?  Interim,  ut  hoc  quoque  scias,  Caesar  ipse  Flandriam,  Holandiam,  Brabantiam,  Luxemburgum,  inaudita  rapacitate  expilat,  vel  potius  deglubit.  Quod  si  nihil  fiet,  voca  nos  ubi  visum  fuerit:  Bucerus  sancte  promittit  nulla  detrectatione  statim  se  venturum.  Iam  in  me  excusando  non  est  quod  vehementer  laborem.  Neque  enim  potui  cum  Deo  pugnare,  qui  me  lecto  affixerat  quo  tempore  iter  concipiendum  fuit.  De  voluntate  nihil  te  dubitare  suspicor.  Certe  qui  adfuerunt  sciunt  hanc  querimoniam  subinde  mihi  in  ore  fuisse:  Ergo  Farellus  spe  sua  frustrabitur.  Verum  et  te  et  me  patienter  ferre  oportet,  quod  ita  utriusque  et  spem  et  desiderium  Dominus  vel  sustulit  vel  certe  distulit.  Credamus  ipsum  melius  providisse  quid  optimum  esset,  quam  nos  consultando  et  ratiocinando  divinare  potuerimus.  Novi  hic  nihil  audimus,  nisi  quod  Rex  et  Caesar  certatim  in  pios  saeviendo4)  idolum  illud  Romanum  sibi  demereri  student.  Nuper  hic  fuit  Vasco  quidam,  magnus  vir  ut  apparebat  (quinque  enim  equos  ducebat),  per  quem  Reginae  scripsi  vehementerque  obtestatus  sum  ne  in  tanta  afflictione  cessaret.  Publice  nihil  possumus  rebus  adeo  dubiis.  Caesar,  ut  audisti,  Wormaciam  iter  intendit,  sed  non  magna  festinatione.o)  Conventum  tamen  principum  se  3)  Imo  iam  Hagenoae  d.  28.  Oct  indictus  et  a  Gaesare  Idibus  Aug.  approbatus  est  Sleidan.  IL  196.  4)  Hic  d.  20.  Sept  Bruxellis  edictum  promulgavit  contra  fanaticos,  sectarios  et  haereticos.  (Spalatini  Annales  ed.  Cyprian.  494  seqq.)  5)  Mo  Idibus  Octobr.  Bruxellas  nondum  reliquerat,  et  Granvellam  sibi  legatum  instituit  Wormaciae  acturum.  (Sleid.  198.)