10.1:85  ORDONNANCES.  Eecteur  ayant  remercie  l'assemblee,  et  les  prieres  estans  faictes,  chascun  s'en  ira.  Que  ce  iour  la  il  y  ait  vacations  pour  tout  le  College.  S'il  se  trouve  quelque  escholier  qui  semble  a  son  Regent  avoir  si  bien  profite  qu'il  doibve  estre  avance  en  plus  hault  degre  devant  l'an  revolu:  que  le  Regent  en  face  le  rapport  au  Principal:  et  que  le  Principal  enregistre  en  un  livre  les  noms  de  tous  les  escholiers  desquels  le  rapport  luy  sera  ainsi  faict.  Puis  le  premier  iour  d'Octobre,  que  le  Recteur  avec  les  Professeurs  vienne  au  College,  et  ordonne  ce  qui  en  debvra  estre  faict.  Et  mesme  si  en  quelque  aultre  saison  de  l'annee  il  s'en  trouvoit  quelqu'un  qui  meritast  d'estre  avance  extraordinairement,  que  le  Recteur  en  face  examen  convenable,  et  qu'il  soit  avance  extraordinairement.  DES  PROFESSEURS  PUBLICS.  Que  les  trois  Lecteurs  publics,  a  scavoir  l'Hebrieu  et  le  Grec,  et  celuy  qui  enseigne  les  arts,  soyent  esleus  et  confermez  ainsi  qu'il  a  este  dict  des  autres.  Le  Lundi,  le  Mardi,  et  le  Ieudi,  qu'ils  lisent  chascun  deux  heures:  a  scavoir,  l'une  au  matin,  l'autre  apres  disner.  Le  Mercredi  et  le  Vendredi  chascun  une  heure:  a  scavoir  apres  disner.  Le  Samedi  qu'il  n'y  ait  point  de  lecons.  Le  Dimanche  soit  employe  a  ouir  les  sermons.  Le  Vendredi,  qu'ils  se  trouvent,  tant  qu'il  leur  sera  possible,  a  la  congregation  et  au  Colloque  des  Ministres.  Que  le  professeur  Hebrieu  expose  le  matin  incontinant  apres  le  sermon  quelque  livre  du  Vieil  testament  avec  les  Commentaires  des  Hebrieux.  Apres  disner,  qu'il  lise  la  grammaire  Hebraique:  en  hyver  depuis  midi  iusques  a  une  heure,  en  este  depuis  une  heure  iusques  a  deux.  Quo  le  professeur  Grec  le  matin  entre  apres  l'Hebrieu,  et  expose  quelque  livre  de  Philosophie  qui  concerne  [page  15]  les  mcurs.  Le  livre  sera  d'Aristote,  ou  Platon,  ou  Plutarque,  ou  de  quelque  philosophe  Chrestien.  Apres  disner  qu'il  lise  (en  hyver,  depuis  une  iusques  a  deux:  en  este,  depuis  trois  iusques  a  quatre)  quelque  poete  Grec,  ou  quelque  orateur,  ou  historiographe,  en  un  temps  d'une  sorte  et  puis  de  l'autre  :  et  choisissant  des  plus  purs.  Que  le  professeur  des  arts  le  matin  entre  apres