9:849  849  PRAEFATIONES.  850  que  le  S.  Esprit  la  reforme.  Ainsi  nous  voyons  que  tout  le  bien  spirituel  qui  concerne  nostre  salut  est  attribue  par  luy  a  la  seule  grace  de  Dieu,  sans  que  l'homme  ait  dequoy  se  glorifier  en  rien.  Cependant  il  concede  a  l'homme  quelque  liberte  en  ce  qui  ne  passe  point  la  vie  terrienne  :  comme  a  se  lever  et  coucher,  a  cheminer,  a  suivre  quelque  train,  ou  de  labeur,  ou  d'estude,  ou  de  marchandise.  Pourquoy?  d'autant  qu'il  se  contentoit  du  principal,  c'est  d'avoir  abbatu  l'homme,  en  luy  monstrant  que  de  soy  il  ne  peut  sinon  errer  et  pecher  pour  tomber  en  confusion,  et  que  tout  le  pouvoir  qu'il  a  a  bien  n'est  pas  de  son  naturel,  mais  de  la  grace  de  Dieu.  Combien  qu'encor  a  ce3te  liberte,  qu'il  appelle  civile,  il  y  met  une  bride  pour  la  restraindre,  disant  que  Dieu  domine  tousiours  par  dessus.  Il  n'y  a  point  donc  beaucoup  a  requerir  en  cela.  Mais  si  a  il  este  bon  d'en  advertir  les  lecteurs,  afin  que  nul  ne  fust  scandalize  de  peu  de  chose,  voyant  l'intention  de  l'auteur.  Autant  en  est  il  de  la  predestination:  pource  que  il  voyt  auiourdhuy  tant  d'espritz  volages  qui  ne  s'adonnent  que  trop  a  curiosite,  et  ne  tiennent  nulle  mesure  en  ceste  matiere,  voulant  prevenir  ce  dangier,  il  a  mieux  ayme  toucher  seulement  ce  qui  estoyt  necessaire  a  cognoystre,  laissant  le  reste  comme  ensevely,  qu'en  desduisant  tout  ce  qu'il  eust  bien  peu  lascher  la  bride  a  beaucoup  de  disputes  perplexes  et  confuses,  desquelles  ce  pendant  il  ne  revient  nul  fruict  de  bonne  instruction.  Ie  confesse  que  de  tout  ce  qu'il  a  pleu  a  Dieu  nous  reveler  par  l'escriture  rien  ne  doyt  estre  supprime  quoy  qu'il  en  advienne.  Mais  celluy  qui  cherche  d'enseigner  au  profit  des  lecteurs  merite  bien  d'estre  excuse  s'il  s'arreste  a  ce  qu'il  cognoyt  estre  le  plus  expedient,  passant  legierernent,  ou  laissant  derriere,  ce  dont  il  n'espere  pas  tel  profit.  Quant  aux  sacremens,  sa  modestie  a  este  cause  qu'apres  avoir  nomme  le  Baptesme  et  la  saincte  Cene  il  adiouste  pour  le  troysiesme  l'absolution.  Car  pource  que  ce  nom  est  acoustume  au  lieu  ou