46:849  849  DE  LA  PASSION.  850  priez  afin  de  n'entrer  point  en  tentation:  car  si  V  Esprit  est  prompt,  la  chair  est  debile.  Il  a  donc  yci  monstre  que  le  principal  aiguillon  qui  nous  doit  picquer  a  invoquer  Dieu,  c'est  que  nous  avons  a  combatre,  que  nos  ennemis  sont  prochains,  et  qu'ils  sont  robustes,  et  que  nous  ne  pourrions  pas  leur  resister,  sinon  estans  aidez  du  secours  d'en  haut,  et  que  Dieu  bataillast  pour  nous.  Or  nous  scavons  que  quand  l'homme  est  asseure,  il  ne  demande  qu'a  se  donner  toutes  ses  aises,  et  s'endormir:  car  nous  ne  prenons  pas  volontiers  souci  ne  melancolie,  sinon  que  la  necessite  nous  y  force.  Vray  est  que  c'est  un  bien  souverain  d'avoir  repos,  sinon  estans  comme  abbrutis.  Tant  y  a  qu'il  faut  bien  que  la  necessite  nous  presse  pour  estre  vigilant.  Nostre  Seigneur  Iesus  donc  non  sans  cause  nous  propose  que  nous  avons  a  soustenir  beaucoup  d'alarmes.  Car  ce  qu'il  a  dit  pour  un  coup  a  ses  disciples,  nous  appartient  a  tous  en  general:  d'autant  qu'en  nostre  vie,  il  faut  que  nous  soyons  tousiours  prests  a  recevoir  beaucoup  de  tentations.  Car  le  diable  est  nostre  ennemi  perpetuel,  si  nous  sommes  membres  de  nostre  Seigneur  Iesus  Christ.  Il  y  aura  donc  guerre  ouverte  sans  fin  et  sans  cesse.  Et  puis  regardons  a  quel  ennemi  nous  avons  affaire:  ce  n'est  pas  un  seul,  mais  le  nombre  en  est  infini.  D'avantage  le  diable  ha  des  moyens  tant  et  tant  plus  pour  nous  abysmer,  maintenant  il  heurte  ouvertement,  maintenant  il  machine  pardessous  terre,  et  par  astuce  il  nous  aura  surpris  cent  mille  fois  devant  que  nous  y  avons  pense.  Et  quand  il  n'y  auroit  que  ce  que  dit  S.  Paul  que  nos  ennemis  sont  puissances  qui  dominent  en  l'air  par  dessus  nos  testes,  et  que  nous  sommes  yci  comme  povres  vers  de  terre,  qui  ne  faisons  que  ramper  en  bas,  cela  nous  doit  bien  soliciter.  Comme  aussi  Sainct  Pierre  allegue  ceste  raison,  que  nostre  ennemi  est  comme  un  lion  qui  bruit  et  cherche  proye,  et  qu'il  n'ha  iamais  repos:  voyla  donc  ce  que  nous  avons  a  observer  en  ce  que  nostre  Seigneur  Iesus  dit  qu'il  nous  faut  estre  sur  nos  gardes,  pour  ne  point  entrer  en  tentation.  Au  reste,  combien  que  nous  soyons  vigilans,  et  que  nous  facions  bon  guet,  si  ne  pouvons  nous  pas  estre  exemptez  que  le  diable  ne  s'esleve  contre  nous,  et  que  nous  ne  soyons  assaillir  de  luy  en  plusieurs  et  diverses  sortes.  Nous  ne  pouvons  pas  donc  repousser  les  coups  de  si  loin:  mais  devant  que  d'entrer  en  combat,  il  nous  faut  bien  garder  que  nous  ne  soyons  plongez  en  tentation.  Apprenons  donc,  combien  que  les  fideles  et  enfans  de  Dieu  desirent  d'avoir  repos,  que  neantmoins  il  ne  faut  pas  qu'ils  desirent  d'estre  yci  a  leur  aise:  mais  qu'il  leur  suffise  que  Dieu  parfait  sa  vertu  en  leur  infirmite  :  comme  aussi  sainct  Paul  dit  qu'il  a  falu  qu'il  passast  par  la.  C'est,  di-ie,  la  condition  de  tous  enfans  de  Dieu,  que  de  batailler  Calvini  opera.  Vol.  XLVI.