46:847  847  SERMONS  848  bien  te  soit:  et  le  Oaisa.  50.  Iesus  luy  dit^  Ami,  pourquoy  es-tu  venu?  Adonc  ils  s'approcherent,  et  ietterent  les  mains  sur  Iesus,  et  le  saisirent.  Nous  avons  veu  ce  matin  comme  le  Fils  de  Dieu  ayant  a  soustenir  un  combat  si  difficile,  que  de  comparoistre  devant  le  siege  iudicial  de  Dieu  son  Pere,  pour  recevoir  sentence  de  condamnation,  comme  nostre  plege,  a  este  fortifie  par  priere.  Car  il  faloit  que  la  foiblesse  humaine  apparust  en  luy;  et  cela  n'a  rien  derogue  a  sa  maieste  Divine,  quand  il  s'est  ainsi  aneanti  a  cause  de  nostre  salut.  Or  nous  avons  a  noter  que  ce  n'a  pas  este  pour  un  coup  seulement  qu'il  a  prie.  En  quoy  nous  voyons  que  par  son  exemple  il  nous  a  exhortez  de  ne  point  defaillir  si  nous  ne  sommes  exaucez  si  tost  que  nous  voudrions.  Ainsi,  ceux  qui  perdent  courage  quand  nostre  Dieu  ne  respond  pas  a  leur  premier  souhait,  monstrent  qu'ils  ne  scavent  que  c'est  de  prier:  car  la  vraye  regle  d'avoir  nostre  refuge  a  Dieu,  emporte  perseverance.  Et  qu'ainsi  soit,  c'est  le  principal  exercice  de  nostre  foy  que  l'oraison:  or  la  foy  ne  peut  estre  sans  attente.  Il  n'est  pas  question  donc  que  Dieu  nous  complaise  si  tost  que  nous  aurons  ouvert  la  bouche,  et  forme  nostre  requeste:  Mais  il  est  besoin  qu'il  dilaye,  et  qu'il  nous  laisse  languir  souventesfois,  afin  que  nous  scachions  que  c'est  de  l'invoquer  a  bon  escient,  et  sans  feintise:  Et  que  nous  declarions  que  nostre  foy  est  tellement  fondee  sur  la  parole  de  Dieu,  qu'elle  nous  retient  en  bride,  afin  que  nous  soyons  patiens  a  endurer  iusques  a  ce  que  le  temps  opportun  de  nous  secourir  soit  venu.  Notons  bien  donc  que  nostre  Seigneur  Iesus  Christ  n'a  pas  seulement  prie  Dieu  son  Pere  pour  un  coup,  mais  qu'il  y  est  retourne  pour  la  seconde  fois.  Au  reste  nous  avons  a  reduire  en  memoire  ce  que  nous  avons  desia  touche,  c'est  ascavoir  que  nostre  Seigneur  Iesus  n'a  pas  yci  forme  quelque  oraison  legere,  mais  qu'il  s'est  comme  voulu  despouiller  de  soy-mesme:  voire  que  luy,  qui  est  la  vertu  de  Dieu  son  Pere,  sur  laquelle  tout  le  monde  est  soustenu,  neantmoins  d'autant  qu'il  faloit  qu'il  se  monstrast  homme  infirme,  tenant  nostre  place,  estant  la,  establi  en  nostre  personne,  a  declare,  quand  il  a  ainsi  reitere  a  faire  sa  priere,  que  ce  n'estoit  point  comme  un  spectacle  qu'il  faisoit  (ainsi  que  plusieurs  gens  profanes  imaginent,  que  quand  Iesus  Christ  est  apparu,  il  n'a  rien  souffert),  mais  que  c'a  este  afin  que  nous  fussions  enseignez  que  nous  ne  pouvions  eschapper  la  main  de  Dieu,  et  sa  malediction,  que  par  ce  moyen.  Or  il  nous  est  yci  declare  (comme  a  ce  matin)  que  nostre  Seigneur  Iesus  a  este  presse  iusques  au  bout,  voire  d'autant  que  le  fardeau  qu'il  avoit  receu  estoit  insupportable,  sinon  que  la  vertu  invincible  de  l'Esprit  de  Dieu