46:846  doit  servir  la  saincte  Cene.  Car  voyans  que  nostre  Seigneur  Iesus  nous  appelle  la,  pour  estre  participans  de  sa  mort  et  passion,  que  nous  iouissions  du  fruit  qu'il  nous  a  acquis  et  que  par  ce  moyen  nous  soyons  plenement  confermez  que  Dieu  nous  advoue  pour  ses  enfans,  et  que  nous  le  pourons  reclamer  a  plene  bouche  comme  nostre  Pere.  Que  nous  apportions  une  vraye  foy  cognoissans  pourquoy  nostre  Seigneur  Iesus  nous  a  este  envoye  de  Dieu  son  Pere,  quel  est  son  office,  et  comme  il  nous  est  encores  auiourd'huy  pour  mediateur,  comme  il  a  este  de  tout  temps.  Et  la  dessus,  que  nous  taschions  d'estre  tellement  unis  a  luy,  que  ce  ne  soit  pas  seulement  pour  un  chacun  de  nous  que  cela  nous  soit  dit,  mais  pour  tous  en  general.  Et  que  nous  ayons  concorde  mutuelle  et  fraternite  ensemble,  puis  qu'ainsi  est  qu'il  a  soustenu  et  porte  la  condamnation  qui  estoit  prononcee  de  Dieu  son  Pere  sur  nous  tous.  Que  donc  nous  tendions  la,  et  qu'un  chacun  non  seulement  y  viene  pour  soy  (comme  i'ay  dit)  mais  qu'il  tasche  d'y  attirer  sea  compagnons,  et  que  nous  nous  incitions  ainsi  les  uns  les  autres  pour  marcher  constamment:  regardans  tousiours  que  nostre  vie  est  comme  un  chemin  qu'il  nous  faut  parfaire:  et  qu'il  ne  faut  point  nous  lasser  au  milieu  du  chemin,  mais  que  nous  proufitions  tellement  de  iour  en  iour,  et  mettions  peine  d'approcher  ceux  qui  en  sont  eslongnez,  que  ce  soit  la  toute  nostre  ioye,  nostre  vie,  nostre  gloire  et  contentement,  et  que  nous  nous  aidions  ainsi  les  uns  les  autres,  iusques  a  ce  que  Dieu  nous  ait  plenement  recueillis  a  soy.  Or  nous-nous  prosternerons  devans  la  maieste  de  nostre  bon  Dieu,  etc.  SECOND  SERMON.  MATTH.  Ch.  XXVI.  40.  Lors  Iesus  vient  a  ses  disciples,  et  ies  trouve  dormans:  et  dit  a  Pierre.  Est-il  ainsi  que  vous  n'avez  peu  veiller  une  heure  avec  moy?  41.  Veillez  et  pries  afin  que  n'entriez  en  tentation:  car  V  esprit  est  alaigre,  mais  la  chair  est  foible.  42.  Derechef  il  s''en  alla  pour  la  seconde  fois,  et  pria,  disants  Mon  Pere  s'il  est  possible  que  ceste  coupe  passe  outre  de  moy,  sans  que  ie  la  boyve,  ta  volonte  soit  faite.  43.  Puis  vient,  et  les  trouve  derechef  dormans,  car  leurs  yeux  estoyent  appesantis.  44.  Et  les  ayant  laissez,  derechef  s'en  alla,  et  pria  pour  la  troisieme  fois,  disant  le  mesme  propos.  45.  Adonc  vient  a  ses  disciples,  et  leur  dit:  Dormez  maintenant,  et  vous  reposez,  voy  ci  Vheure  approche  que  le  Fils  de  Vhomme  sera  livre  es  mains  des  meschans.  46.  Levez-vous,  allons:  voy  ci  celui  qui  me  livre  s'approche.  47.  Et  comme  U  parloit  encore,  voyci  Iudas  l'un  des  douze,  veint,  et  avec  luy  grande  troupe  ayant  glaives  et  bastons,  de  par  les  principaux  Sacrificateurs,  et  les  Anciens  du  peuple.  48.  Or  celuy  qui  le  trahissoit  leur  avoit  donne  signe,  disant,  Celuy  que  ie  baiseray,  c'est  luy,  empoignez-le.  49.  Et  incontinent  s'adressant  a  Iesus,  il  dit,  Maistre,