46:845  845  DE  LA  PASSION.  846  filets  tendus  pour  nous  retenir  au  monde.  Que  nous  quittions  aussi  nos  commoditez  et  nos  aises,  afin  d'aspirer  a  cest  heritage  qui  nous  a  este  si  cherement  acquis.  Et  d'autant  que  dimanche  prochain  nous  avons  a  recevoir  la  saincte  Cene,  et  que  Dieu  apres  nous  avoir  ouvert  le  Royaume  des  cieux,  nous  presente  la  un  banquet  spirituel,  que  nous  soyons  tant  mieux  touchez  de  ceste  doctrine.  Et  de  faict  quand  nous  beuvons  et  mangeons  iournellement  pour  nostre  refection,  Dieu  nous  declare  assez  qu'il  est  nostre  Pere,  et  qu'il  ha  le  soin  de  ces  corps  terrestres  et  caduques:  tellement  que  nous  ne  scaurions  manger  un  morceau  de  pain,  que  la  nous  n'ayons  tesmoignage  que  Dieu  ha  le  soin  de  nous:  mais  en  la  Cene  il  y  a  une  raison  speciale.  Car  Dieu  ne  remplit  pas  la  nos  ventres:  mais  il  nous  ravit  au  Royaume  des  cieux.  Il  nous  propose  nostre  Seigneur  Iesus  son  Fils  pour  viande  et  bruvage.  Et  Iesus  Christ  ne  se  contente  point  seulement  de  nous  recevoir  a  sa  table,  mais  ii  veut  estre  quant  et  quant  nostre  pasture:  il  nous  fait  sentir  par  effet  que  sa  chair  nous  est  vrayement  viande  et  son  sang  bruvage.  Quand  donc  nous  voyons  que  nostre  Seigneur  Iesus  si  doucement  nous  convie  a  soy,  ne  faut-il  pas  que  nous  soyons  par  trop  vilains,  si  nous  ne  sommes  retirez  de  ce  qui  nous  destourne  de  luy  ?  Et  combien  que  nous  venions  comme  entrainant  les  iambes,  toutesfois  que  nous  ne  laissions  pas  de  nous  desplaire  en  nos  vices,  afin  de  nous  ranger  a  luy,  et  nous  efforcer  tant  qu'il  nous  sera  possible,  d'estre  despouillez  de  ce  monde,  et  d'aspirer  au  Royaume  des  cieux.  Ainsi  donc  que  chacun  regarde  de  quoy  nous