46:844  sa  volonte,  afin  de  se  soumettre  plenement  a.  Dieu  son  Pere.  Or  cependant  nous  avons  tousiours  a  retenir  que  ie  Fils  de  Dieu  ne  se  propose  pas  yci  seulement  pour  exemple  et  miroir,  mais  qu'il  nous  veut  monstrer  combien  nostre  salut  luy  a  couste  cher.  Car  le  diable  voulant  obscurcir  la  grace  infinie  de  Dieu  qui  nous  a  este  monstree  en  nostre  redemption,  a  dit  que  Iesus  Christ  estoit  seulement  comme  patron  de  toute  vertu.  Et  voyla  comme  les  caphars  en  toute  la  Papaute  gazouillent:  car  encores  qu'ils  ne  scachent  pas  deduire  que  c'est  d'obeissance,  ni  de  renoncer  a  soy,  si  est-ce  qu'ils  disent  que  ce  que  l'Evangeliste  recite  de  Iesus  Christ,  c'est  afin  que  nous  l'ensuyvions,  et  que  nous  soyons  conformez  a  luy.  Or  cela  est  bien  quelque  chose:  mais  ce  n'est  pas  le  tout,  ni  mesme  le  principal.  Car  un  Ange  nous  pouvoit  bien  estre  envoye,  afin  que  nous  Peussions  ensuyvi:  mais  quand  Iesus  Christ  a  este  le  Redempteur  du  monde,  il  s'est  soumis  et  assuieti  de  son  bon  gre  a  ceste  condition  si  miserable,  comme  nous  voyons  yci.  Il  nous  faut  tousiours  cognoistre,  que  ne  trouvans  rien  en  nous  qui  nous  puisse  donner  esperance  de  salut,  il  reste  que  nous  cherchions  en  luy  ce  qui  nous  defaut.  Car  iamais  nous  ne  pourrons  obtenir  grace  de  Dieu,  ni  approcher  de  luy,  sinon  que  nous  venions  a  Iesus  Christ  comme  povres  mendians.  Ce  qui  ne  se  peut  faire,  iusques  a  ce  que  nous  ayons  cognu  nos  povretez  et  nostre  indigence:  brief,  que  nous  defaillons  du  tout.  Voyla  donc  ce  que  nous  avons  a  retenir,  afin  qu'apres  avoir  entendu  que  toute  la  perfection  de  nostre  vie  est  de  nous  rendre  obeissans  a  Dieu,  et  puis  de  renoncer  a  nos  affections  et  pensees,  et  a  tout  ce  qui  est  de  nostre  nature  pour  nous  conformer  a  luy:  apres  avoir  aussi  entendu  qu'il  nous  faut  demander  a  Dieu  ce  que  nous  n'avons  pas:  que  nous  scachions  que  nostre  Seigneur  Iesus  Christ  ne  nous  est  pas  donne  yci  seulement  en  exemple,  mais  qu'il  nous  a  declare  quant  et  quant,  que  si  nous  sommes  separez  de  luy,  il  faudra  que  nostre  vie  soit  maudite,  et  quand  la  mort  nous  voyons  les  abysmes  de  malediction,  que  nous  voyons  le  gouffre  de  l'ire  de  Dieu  pour  nous  engloutir,  et  que  ne  soyons  point  saisis  d'une  seule  frayeur,  mais  d'un  million,  et  que  toutes  creatures  crient  vengeance  contre  nous.  Que  nous  sentions  donc  cela  afin  de  cognoistre  nos  pechez,  et  de  gemir  et  estre  confus  en  nous-mesmes,  et  avoir  desir  et  prendre  courage  de  venir  a  Dieu  avec  une  vraye  humilite  et  repentance.  Et  puis  que  nous  prisions  la  bonte  et  misericorde  de  nostre  Dieu  selon  qu'elle  se  monstre  yci:  et  que  nous  ayons  les  bouches  ouvertes  pour  luy  rendre  sacrifice  de  louange,  et  que  nous  soyons  destournez  des  allechemens  de  Satan,  qui  ha  ses