46:843  843  SERMONS  844  sont  corrompus  en  Adam:  car  il  n'y  a  eu  nulle  tache  de  peche  en  luy.  Voyla  donc  un  homme  qui  est  exempte  de  tout  vice:  mais  quoy  qu'il  en  soit,  si  faut-il  encoree  qu'il  s'efface,  et  qu'il  s'evertue,  et  qu'il  renonce  en  la  fin  a  soy-mesme,  et  qu'il  mette  tout  cela  sous  le  pied,  pour  se  rendre  obeissant  a  Dieu  son  Pere.  Or  maintenant  regardons  pe  que  sera  de  nous.  Quelles  sont  nos  affections?  qu'est-ee  de  nos  pensees?  Autant  d'ennemis  qui  bataillent  contre  Dieu  comme  dit  sainct  Paul.  Voyla  Dieu  qui  prononce  que  nous  sommes  du  tout  pervers,  et  que  tout  ce  que  l'homme  peut  forger  en  son  esprit,  n'est  que  mensonge  et  vanite:  mesmes  des  nostre  enfance  nous  monstrons  que  nous  sommes  confits  en  toute  infection  de  peche.  Les  petis  enfans  venans  au  monde,  combien  que  la  malice  n'apparoisse  point,  ne  laissent  pas  toutesfois  d'estre  des  petis  serpens  pleins  de  venin,  de  malice  et  de  desdain.  Voyla  ce  que  nous  cognoissons  estre  en  nostre  nature,  voire  des  le  commencement.  Et  quand  nous  sommes  venus  en  aage,  qu'est-ce  donc  de  nous?  nous  sommes  (comme  i'ay  dit)  si  malins  que  nous  ne  scaurions  concevoir  une  seule  pensee  que  ce  ne  soit  autant  de  rebellions  contre  Dieu  :  que  nous  ne  scaurions  nous  addonner  a  ceci  ou  a  cela,  que  nous  ne  soyons  tousiours  esgarez  de  la  vraye  regle:  et  mesmes  que  nous  ne  venions  heurter  comme  par  despit  a  l'encontre  de  nostre  Dieu.  Quel  combat  donc  faut-il  pour  nous  ranger  au  bien?  Quand  nous  voyons  que  nostre  Seigneur  Iesus,  auquel  il  n'y  a  eu  qu'integrite  et  droiture,  ne  s'est  peu  assuietir  a  Dieu  son  Pere,  sinon  en  renoncant  a  soy,  n'est-il  pas  question  de  nous  employer  yci  du  tout?  Ainsi  donc  apprenons  de  batailler  plus  vertueusement:  mais  voyans  que  nous  ne  pouvons  et  que  plustost  toutes  nos  forces  et  facultez  tendent  a  mal,  et  que  nous  n'avons  pas  une  seule  goutte  de  bien  de  nostre  nature,  et  qu'il  y  a  une  telle  debilite  que  nous  serions  vaincus  cent  fois  a  une  chacune  minute  de  temps:  venons  a  celuy  qui  a  este  fait  infirme  afin  que  nous  fussions  remplis  de  sa  vertu,  comme  S.  Paul  en  parle.  Puis  qu'ainsi  est  donc  que  nostre  Seigneur  Iesus  Christ  a  ainsi  renonce  a  soy,  que  nous  apprenions,  si  nous  voulons  estre  ses  disciples,  de  faire  le  semblable.  Et  voyans  que  nous  ne  pouvons  pas  de  nous-mesmes  y  parvenir,  mais  que  nous  tendons  tout  au  rebours,  prions-le  que  par  la  vertu  de  son  S.  Esprit  il  domine  en  nous  pour  nous  fortifier.  Comme  il  est  dit  qu'il  a  souffert  en  l'infirmite  de  sa  chair,  mais  qu'en  la  vertu  de  son  Esprit  il  est  ressuscite,  afin  que  nous  soyons  faits  participans  du  combat  qu'il  a  soustenu:  et  que  sentions  le  fruit  et  l'excellence  de  sa  vertu  en  nous.  Voyla  donc  en  somme  ce  que  nous  avons  a  retenir,  quand  il  est  dit  que  Christ  a  quitte  toute