46:841  841  DE  LA  PASSION.  842  pointe  en  est  rompue:  mesme  le  venin  est  tellement  purge,  que  la  mort  en  nous  humiliant  nous  sert  auiourd'huy  de  medecine,  et  n'est  plus  mortelle,  d'autant  que  Iesus  Christ  a  englouti  tout  le  mal  qui  y  estoit.  Voyla  donc  ce  que  nous  avons  a  retenir,  c'est  que  le  Fils  de  Dieu  en  s'escriant,  Mon  Pere  s1  il  est  possible  que  ce  breuvage  soit  retire  de  moy,  ne  regarde  pas  seulement  a  ce  qu'il  avoit  a  souffrir  en  son  corps,  ni  a  l'ignominie  des  hommes,  ni  a  quitter  la  terre  (car  cela  luy  estoit  assez  facile):  mais  il  regarde  qu'il  est  devant  Dieu,  et  devant  son  siege  iudicial  pour  rendre  comte  de  tous  nos  pechez:  pour  voir  la  toutes  les  maledictions  de  Dieu  qui  sont  apprestees.  Car  quand  il  n'y  auroit  qu'un  seul  pecheur,  qu'est-ce  que  l'ire  de  Dieu?  Quand  il  est  dit  que  Dieu  nous  est  contraire,  qu'il  veut  desployer  sa  vertu  pour  nous  abysmer,  helas  ou  en  sommes  nous?  Or  il  a  falu  que  Iesus  Christ,  non  seulement  ait  combatu  contre  une  telle  frayeur:  mais  contre  toutes  les  cruautez  qu'on  pourroit  amasser.  Quand  donc  nous  voyons  que  Dieu  adiourne  tous  ceux  qui  ont  merite  damnation  eternelle,  et  qui  sont  coulpables  de  peche,  et  qu'il  est  la.  pour  prononcer  sentence  telle  qu'ils  l'ont  meritee,  qui  ne  concevra  quant  et  quant,  toutes  les  morts,  les  doutes  et  les  frayeurs  qui  pourront  estre  en  un  chacun?  Et  quel  abysme  y  aura-il  en  cela?  Or  il  a  fallu  que  nostre  Seigneur  Iesus  Christ,  luy  seul  sans  aide,  ait  soustenu  un  tel  fardeau.  Ainsi  donc  estimons  la  tristesse  du  Fils  de  Dieu  par  sa  vraye  cause:  et  la,  dessus  que  nous  retournions  a  ce  qui  a  este  desia  touche,  c'est  que  d'un  coste  nous  cognoissions  combien  nostre  salut  luy  a  este  cher,  et  combien  nos  ames  luy  ont  este  precieuses  quand  il  a  voulu  venir  en  une  telle  extremite  a  cause  de  nous,  et  cognoissans  ce  que  nous  avions  merite,  regardons  quel  estoit  nostre  estat  sinon  que  nous  eussions  este  secourus  par  luy.  Et  cependant  soyons  resiouis,  voyans  que  la  mort  n'ha  plus  nulle  puissance  sur  nous  qui  nous  soit  nuisible.  Il  est  vray  que  tousiours  naturellement  nous  craindrons  la  mort,  et  la  fuyrons:  mais  c'est  afin  de  nous  faire  penser  a  ce  benefice  inestimable  qui  nous  a  este  acquis  par  la  mort  du  Fils  de  Dieu:  c'est  afin  de  nous  faire  tousiours  considerer  que  c'est  de  la  mort  en  soy,  et  qu'elle  emporte  l'ire  de  Dieu,  que  c'est  comme  le  gouffre  d'enfer.  Au  reste  quand  nous  avons  a  batailler  contre  telle  crainte,  que  nous  scachions  que  nostre  Seigneur  Iesus  Christ  a  tellement  prouveu  a.  toutes  ces  craintes  la,  que  nous  pouvons  au  milieu  de  la  mort  mesme  venir  la  teste  levee  devant  Dieu.  Il  est  vray  que  nous  avons  a  nous  humilier  devant  toutes  choses,  comme  desia  nous  avons  dit:  qu'il  faut  bien  que  pour  hayr  nos  pechez,  et  pour  nous  y  desplaire  nous