8:84  nos  detineat,  quomodo  Christus  ignosceret?  Ac  tales  quidem  vere  et  apte  porcis  conferre  licet,  quibus  ob  nativum  foetoris  amorem,  nihil  suavius  est  quam  in  coenum  et  stercora  se  provolvere.  Omnes  porcos  scandalorum  nimis  avidos,  sive  ea  venentur,  sive  offerri  sibi  gaudeant,  dira  manet  Dei  ultio,  ut  quotidiana  offendicula,  et  alia  aliis  addita,  ipsos  in  aeternum  exitium  demergant.  Sic  enim  serio  excaecari1)  aequum  est,  qui  sponte  caecutiunt:2)  ut  tandem  immedicabilis  sit  morbus.  Nos  interea  quum  Christum  audiamus  omnibus  maledicentem,  qui  scandalum  infirmis  praebent  (Matth.  18,  7),  sollicite  operam  demus,  ne  quod  omnino  scandalum  nostra  culpa  accidat.  Caeterum,  quando  reprobis  et  mundo  incredulo  Christum  lapidem  scandali  esse  oportet,  modo  simus  extra  culpam,  ad  scandala  intrepide  excipienda,  quoties  ea  ingeret  Satan,  vel  solo  illo  Christi  titulo  simus  muniti.  Simul  altera  Christi  sententia  in  mentem  veniat.  Nam  quum  a  discipulis  obiectum  esset,  offendi  Pharisaeos:  secure  omitti  eos  iubet,  quia  caeci  sint,  ac  caecorum  duces  (Matth.  15,  14).s)  Addit  quoque  insigne  dictum:  Omnis  plantatio,  quam  non  plantaverit  pater  meus,  eradicabitur  (Matth.  15,  13).  Ita  sane  est  agendum,  ut  omnium  saluti,  quoad  licet,  studeamus:  sed  quia  nobis  datum  non  [pag.  llo]  est  eos  servare,  quos  Deus  exitio  devovit:  quod  perit,  pereat:  ut  est  apud  Zachariam  (Zach.  ll,  9).  Nam  si  Paulo  tollere  crucis  offendiculum  libuisset,  quasdam  obliquas  ad  hoc  rationes  excudere  promptum  erat.  Ab  hoc  autem  consilio  adeo  abhorret,  ut  pro  magno  absurdo  ducat,  si  tollatur.4)  Scilicet  fixum  tenebat,  quod  alibi  dicit  (2  Cor.  2,15):  quamvis  odor  mortis  simus  reprobis  in  mortem,  suavem  nihilominus  odorem  nos  Deo  spirare.  LAUS  DEO.  1)  Princeps:  exsecrari.  2)  qui  contrefont  les  aveugles  en  clignant  des  yeux.  3)  comme  s'il  leur  disoit:  Ne  vous  en  chaille.  4)  qu'il  debat  fort  et  ferme  que  ce  ne  seroit  point  servir  a  Iesus  Christ  quand  il  voudroit  separer  sa  predication  d'un  tel  scandale.  Et  qui  est-ce  qui  le  rendoit  si  ferme  et  constant?