52:84  tenebrarum,  sub  cuius  tyrannide  tenemur  vincti,  donec  Christi  manu  asseramur.  Hinc  collige,  totum  mundum  cum  fucata  sua  et  sapientia,  et  iustitia,  nihil  quam  tenebras  censeri  coram  Deo:  quia  nulla  lux  extra  Christi  regnum.  Transtulit  in  regnum.  Haec  iam  auspicia  nostrae  beatitudinis,  quum  transferimur  in  Christi  regnum:  quia  transimus  a  morte  in  vitam.  Hoc  quoque  adscribit  Paulus  Dei  gratiae:  ne  quis  proprio  cursu  tantum  bonum  assequi  se  putet.  Quemadmodum  igitur  opus  Dei  est  nostra  a  peccati  et  mortis  servitute  liberatio:  ita  et  transitus  in  Christi  regnum.  Christum  vocat  filium  dilectionis,  vel  Deo  patri  dilectum:  quia  solus  est  in  quo  acquiescit  eius  anima:  ut  habetur  Matth.  17,  5,  et  per  quem  alti  omnes  diliguntur.  Sic  enim  sentiendum  est,  nos  aliter  non  esse  Deo  gratos  quam  per  Christum.  Nec  dubium  est  quin  oblique  hostile  dissidium  notare  velit  Paulus,  quod  est  hominibus  cum  Deo  usque  dum  in  mediatore  dilectio  refulgeat  14.  In  quo  habemus  redemptionem.  Iam  ordine  persequitur,  omnes  salutis  nostrae  partes  in  Christo  contineri:  et  ipsum  solum,  ut  est  principium  omnium  et  finis,  debere  eminere  et  conspicuum  cerni  supra  omnes  creaturas.  Primo  dicit  in  eo  nos  habere  redemptionem  :  et  eam  continuo  interpretatur  remissionem  peccatorum.  Haec  enim  duo  inter  se  appositive  cohaerent.  Nam  certe  Deus2  peccata  nobis  remittendo,  ab  aeternae  mortis  reatu  nos  eximit.  Haec  nostra  libertas,  haec  adversus  mortem  gloriatio,  quod  nobis  peccata  non  imputantur.  Hanc  redemptionem  dicit  acquisitam  esse  Christi  sanguine:  nam  sacrificio  mortis  eius  expiata  sunt  omnia  mundi  peccata.  Meminerimus  ergo,  hoc  unum  esse  reconciliationis  pretium  :  ideoque  blasphemiam  esse  quidquid  de  satisfactionibus  papistae  nugantur.  15.  Qui  est  imago  Dei  invisibilis.  Altius  conscendit,  disserendo  de  Christi  gloria.  Imaginem  Dei  invisibilis  appellat:  quo  significat  eum  solum  esse,  per  quem  Deus  alioqui  invisibilis  nobis  manifestatur,  secundum  illud,  Deum  nemo  vidit  unquam:  unigenitus  qui  est  in  sinu  Patris,  ipse  nobis  manifestavit  (Iohann.  1,  18).  Scio  qualiter  veteres  exponere  soleant.  Quia  enim  certamen  habebant  cum  Arianis,  aequalitatem  filii  cum  patre  et  <5|i0UGcav  urgent:  interea  tacent  quod  est  praecipuum:  quomodo  pater  in  Christo  se  nobis  cognoscendum  exhibeat.  Quod  in  vocabulo  imaginis  totum  suum  praesidium  constituit  Chrysostomus,  dum  contendit,  creaturam  non  posse  dici  creatoris  imaginem:  nimis  infirmum  est.  Imo  a  Paulo  refellitur,  cuius  verba  sunt  (1.  Corin,  l  l  ,  7):  Tir  est  imago  et  gloria  Dei.  Ne  quid  ergo  habeamus  nisi  solidum,  notandum  est,  nomen  imaginis  non  praedicari  de  essentia,  sed  habere  ad  nos  relationem.  Ideo  enim  imago