51:84  les  avoir  condamnez  en  eux-mesmes,  et  leur  avoir  fait  sentir  leur  mal  pour  les  amener  a  une  droite  humilite,  qu'alors  il  les  redresse.  Il  faut  donc  estre  abatus  par  la  main  de  Dieu,  et  puis  apres  que  nous  soyons  relevez  par  ses  promesses  gratuites,  d'autant  qu'il  nous  declare  que  c'est  en  nostre  Seigneur  Iesus  Christ  que  nous  trouverons  ce  qui  nous  defaut.  Voila  donc  en  somme  comme  nous  devons  practiquer  ce  passage  qu'en  admonestant  nos  prochains  avec  un  esprit  de  douceur  et  humanite,  voire  estans  aussi  humbles  et  modestes,  et  ne  presument  rien  de  nous,  que  nous  examinions  bien  nostre  vie,  a  fin  de  gemir  iournellement  de  nos  fautes,  et  a  fin  de  nous  desplaire  en  icelles  :  que  nous  ne  soyons  plus  trompez  de  nulle  hypocrisie:  et  aussi  que  nous  taschions  de  nous  retirer  de  ce  monde,  a  fin  que  nous  ne  cuidions  point  par  nos  subterfuges  eschapper  du  iugement  de  Dieu.  Que  donc  nous  ayons  toutes  ces  choses  a  fin  de  nous  renger  a  la  pure  parole  de  Dieu.  Et  quoy  que  facent  les  hommes  pour  nous  en  destourner,  que  nous  ne  souffrions  point  d'estre  desbauchez,  et  que  pour  ce  faire  nous  ayons  nostre  refuge  a  nostre  Seigneur  Iesus  Christ,  cognoissans  que  quelque  desir  que  nous  ayons  eu  de  nous  addonner  pleinement  au  service  de  Dieu,  que  toutesfois  nous  sommes  tant  chargez  de  nos  vices  et  imperfections,  que  cela  seroit  pour  nous  plonger  iusques  au  profond  des  abysmes,  sinon  que  nous  eussions  qui  nous  en  retirast,  c'est  a  scavoir  nostre  Seigneur  Iesus  Christ  qui  a  porte  tous  nos  pechez,  et  qui  nous  en  a  affranchis  pleinement,  a  fin  que  nous  puissions  auiourd'huy  venir  la  teste  levee  devant  nostre  Dieu.  Or  nous  recognoistrons  nos  fautes  avec  telle  humilite  qu'un  chacun  de  nous  confesse,  voire  sans  feintise,  que  nous  sommes  tous  perdus  et  desesperez,  sinon  d'autant  que  ce  bon  Dieu  a  pitie  de  nous.  Le  priant  toutesfois  qu'il  face  valoir  le  fruict  et  la  vertu  de  la  mort  et  passion  de  nostre  Seigneur  Iesus  Christ,  non  seulement  pour  cacher  les  fautes  que  nous  avons  desia  commises,  et  pour  en  ensevelir  la  memoire:  mais  aussi  pour  nous  en  purger  iournellement  par  son  sainct  Esprit,  nous  supportant  tousiours  par  sa  bonte  infinie,  iusques  a  ce  que  nous  soyons  parvenus  a  la  perfection  ou  il  nous  appelle,  estans  delivrez  de  ceste  prison  de  pecho  de  laquelle  nous  sommes  encores  environnez.  Que  non  seulement  il  nous  face  ceste  grace:  mais  aussi  a  tous  peuples  et  nations  de  la  terre,  etc.