50:84  iam  ostendit,  nos  ad  munditiem  vocatos  esse:  nunc  addit,  tam  in  corpore  quam  in  anima  oportere  eam  conspici.  Nam  quod  nomen  carnis  hic  pro  corpore,  nomen  spiritus  pro  anima  sumatur,  inde  patet:  quia,  si  gratiam  regenerationis  significaret  nomen  spiritus,  absurdum  esset  Pauli  dictum  de  spiritus  inquinamentis.  Vult  ergo  nos  esse  puros  ab  inquinamentis,  non  modo  interioribus,  quae  tantum  habent  Deum  testem  :  sed  etiam  externis,  quae  cadunt  sub  sensum  hominum.  Ac  si  diceret:  Non  tantum  castas  habeamus  conscientias  coram  Deo,  sed  totum  etiam  corpus  membraque  omnia  illi  consecrare  debemus,  ut  nulla  io  parte  nostri  appareat  aliqua  immundities.  Iam  si  consideremus  quale  tractet  argumentum,  facile  videbimus  eos  nimis  impudenter  facere,  qui  externam  idololatriam  nescio  quibus  subterfugiis  excusant.  Nam  quum  interior  impietas  et  quaevis  superstitio  inquinamentum  sit  spiritus:  quid  per  inquinamentum  carnis  intelligent,  nisi  externam  impietatis  professionem,  sive  sit  simulata,  sive  ex:  animo  edatur?  Gloriantur  pura  conscientia:  falso  id  quidem.  Sed  ut  illis  concedam  quod  falso  iactant:  dimidium  tantum  eius  habent  quod  exigit  Paulus  a  fidelibus.  Non  est  igitur  quod  Deo  satisfactum  putent  hoc  dimidio.  Nam  qui  ullam  omnino  idololatriae  speciem  vel  significationem  praebet,  aut  pravis  superstitiosisque  ritibus  communicat:  etiamsi  animo  sit  integerrimus  (quod  fieri  nequit),  reatum  tamen  polluti  corporis  non  effugiet.  Sanctificationem  perficientes.  Quum  verbum  IraxeXetv  apud  Graecos  nunc  perficere,  nunc  sacros  ritus  peragere  significet:  eleganter  hic  a  Paulo  usurpatur  in  priore  significatione,  quae  est  usitatior  :  sic  tamen  ut  ad  sanctificationem  alludat,  de  qua  nunc  concionatur.  Nam  quum  perfectionem  sonet,  videtur  esse  ad  sacras  functiones  consulto  translatum,  quod  in  divino  cultu  nihil  mutilum,  sed  omnia  absoluta  esse  decet.  Ergo  ut  te  rite  sanctifices  Deo,  et  corpus  et  animam  illi*  in  solidum  dicare  oportet.  In  timore  Dei  Nam  si  vigeat  in  nobis  timor  Dei,  non  ita  nobis  indulgebimus:  neque  erumpet  illa,  quae  in  Corinthiis  fuit,  lasciviendi  audacia.  Qui  fit  enim  ut  ita  sibi  placeant  multi  in  externa  idololatria,  et  superciliose  tam  crassum  vitium  defendant:  nisi  quia  Deo  impune  illudere  sibi  videntur?  Quod  si  in  illis  superaret  Dei  timor:  nullis  disputationibus  coacti  primo  statim  momento  cavillis  omnibus  cederent.  2.  Capaces  estote  nostri:  nemini  fecimus  iniuriam,  neminem  corrupimus,  neminem  fraudavimus.  3.  Non  hoc  ad  condemnationem  vestri  dico:  siquidem  iam  ante  diod  i)obiS)  quod  in  cordibus  nostris  sitis,  ad  commoriendum  et  convivendum.  4.  Multa  mihi  fiducia  erga  vos,  multa  mihi  gloriatio  de  vobis  :  impletus  sum  con��