5:84  iam,  inquit,  ad  consulatus  spem  quum  attolleret  animos,  haud  parum  callide  auram  favorabilis  populi  ex  dictatoria  invidia  petit.  Sic  Vergilius  in  Georgicis:  penetrabile  frigus,  et  alibi:  penetrabile  telum.  Sic  Valerius,  titulo  de  Observ,  relig.,  senatum  in  deos  venerabiliorem  dicit.  Et  libro  II.:  Venerabilibus  [pag.  75]  erga  deos  obsequiis  iuventus.  1)  Insatiabile,  apud  Ciceronem  libro  secundo  de  Nat.  deorum,  quod  satiare  non  potest.  Nulla  enim  est  insatiabilior  species,  nulla  pulchrior  ad  rationem  solertiamque  praestantior.  Ammianus  lib.  XIV.:  Qui  enim  adulabili  sermone  seriis  admixto  solus  omnium  proficisci  pellexit  vultu  dissimulato.  Haec  hodie  praestat]  Clementia  viventi  Augusto  securitatem  praestitit,  mortuo  famam  praestat.  Senatusconsulta  quae  in  laudem  principum  viventium  fiunt,  aut  metu  expressa,  aut  temeritate  praecipitata  videri  possunt.  Obsequia  servilia  quae  a  populo  exhibentur,  acclamationes  quoque,  ut  quidam  vocat,  ancillatrices,  serviunt  imperantis  praesentiae.  Homini  mortuo  quae  dantur,  spontanea  sunt,  eoque  potiora.  Deum  ergo  credit  populus  romanus  Augustum,  non  quia  iussus,  sed  quia  bonum  principem  expertus  est.  Mos  fuit  ille  solennis  Romanorum,  ut  Caesares  suos  per  apotheosin  in  numerum  deorum  referrent.  Valerius:  Deos  alios  accepimus,  Caesares  fecimus.  Ritus  ac  caeremonias  consecrandi  imperatores  exponit  Herodianus  libro  IV.  quem  locum  quoties  relego,  non  possum  a  risu  temperare.  Adeo  ridicula  fuit  illa  Romanorum  religio.  Praeterea  non  tantum  post  mortem  Augustus  dei  nomine  donatus  est;  sed  vivus  vidensque  divinos  sibi  honores  exhiberi  non  aegre  passus  est.  Horatius:  Praesenti  tibi  maturos  largimur  honores  Iurandasque  tuum  per  nomen  ponimus  aras.  Et  ?찪arminum  III.  :  Coelo  tonantem  credidimus  Iovem  Regnare:  praesens  divus  habebitur  Augustus.  Publice  tamen  non  fuit  illi  decreta  religio  nisi  post  mortem.  Bene  illi  convenisse  parentis  nomen]  Tranquillus  in  eius  vita:  Patris  patriae  cognomen  universi  repentino  maximoque  consensu  detulerant.  Salutatus  est  a  Valerio  Messala  nomine  universi  senatus.  Ovidius  Fastorum  IL:  Sancte  pater  patriae  tibi  plebs,  tibi  curia  nomen  Hoc  dedit,  hoc  dedimus  nos  tibi  nomen  eques.  Res  tamen  ante  dedit:  sero  quoque  vera  tulisti  Nomina:  iampridem  tu  pater  orbis  eras.  Et  Tristium  II.  :  Parce  pater  patriae:  nec  nominis  immemor  huius  Olim  placandi  spem  mihi  redde  tui.  1)  Edd.  1597  et  seqq.  inventus,  vitio  operarum.  ??Caeterum  tn  nostro  Vaierii  Maximi  textu  L.  II.  c.  4.  legitur:  Venerabilibus  erga  deos  verbis  iuventus  gestus  adiecit.